دارالحکومت میں ساحل سمندر سے متصل جھوپڑپٹی میں بھیانک آتشزدگی سے ایک ہزار سے زائد جھوپڑے تباہ ہوگئے ہیں۔

دارالحکومت میں ساحل سمندر سے متصل جھوپڑپٹی میں بھیانک آتشزدگی سے ایک ہزار سے زائد جھوپڑے تباہ ہوگئے ہیں۔ منیلا فائر ڈیپارٹمنٹ کے الیجینڈرو راموس نے بتایا کہ جس آگ کی وجہ سے۲؍ہزار خاندان بے گھر ہوئے وہ صبح سویرے لگی اور تقریباً ایک ہزار گھر جل کر راکھ ہو گئے۔ فلپائن کی فضائیہ، کوسٹ گارڈ اور۳۰؍ فائر بریگیڈ ٹیموں نے موقع پر پہنچ کر آگ پر قابو پا لیا ہے۔ راموس نے کہا کہ خلیج سے آنے والی تیز ہواؤں کی وجہ سے آگ تیزی سے پھیلی جبکہ تنگ گلیوں نے بھی آگ پر قابو پانے کی کوششوں کو مشکل بنا دیا۔ آگ لگنے کی وجہ کا پتہ لگانے کیلئے تحقیقات جاری ہے۔ زیر نظر تصویر میں  ہیلی کاپٹر سے پانی کا چھڑکاؤ کیا جارہا ہے، جبکہ متاثرین لکڑی کے تختے اوربانس کے سہارے سمندری پانی میں جدوجہد کرتے ہوئے دیکھے جاسکتے ہیں۔