وزیر اعظم نریندر مودی نے گجرات کے ضلع نرمدا میں سردار ولبھ بھائی پٹیل کے یوم پیدائش کے موقع پر انہیں خراج عقیدت پیش کرنے کے بعد کہا کہ سردار ولبھ بھائی پٹیل سے متاثر ہو کر ہمیں اپنے مقصد کو پانے کی کوشش کرنی چاہئے۔ اگلے ۲۵؍ سال ملک کیلئے اہم ہیں جن میں ہمیں ہندوستان کو ترقی یافتہ اور خوشحال ملک کے طور پر ابھرتے دیکھنا ہے۔

وزیر اعظم نریندر مودی نے کہا کہ اس صدی کے اگلے ۲۵؍ سال ملک کیلئے اہم ہیں جن میں ہمیں ہندوستان کو ترقی یافتہ اور خوشحال بنانا ہے۔ ہمیں سردارولبھ بھائی پٹیل سے متاثر ہو کر اپنے مقصد کو پانے کی کوشش کرنی چاہئے۔ خیال رہے کہ آج ملک کے پہلے وزیر خارجہ سردار ولبھ بھائی پٹیل کا یوم پیدائش ہے جس کے سبب مودی نے انہیں گجرات کے نرمدہ ضلع میں ایکتا کے مجسمے کے سامنے خراج عقیدت پیش کی ہے۔ 

Birthday wishes to Union Minister Shri @sarbanandsonwal Ji, who is doing exemplary work to fulfil our vision towards port-led development and ensuring a vibrant shipping sector. His efforts to promote Ayush are also noteworthy. Praying for his long and healthy life.

— Narendra Modi (@narendramodi) October 31, 2023

خیال رہے کہ سردار ولبھ بھائی پٹیل نے بطور وکیل اور کانگریسی لیڈر اپنی خدمات انجام دی تھیں۔ انہوں نے مہاتما گاندھی کے ساتھ آزادی کی جنگ میں حصہ لیا تھا۔ مودی نے سردار ولبھ بھائی پٹیل کی یوم پیدائش پر ان کی تعریف کرتے ہوئے کہا کہ پچھلی صدی میں ہندوستان کی جنگ آزادی کے درمیان ایسے ۲۵؍ سال بھی آئے تھے جن میں ہر ہندوستانی نے آزادی حاصل کرنے کیلئے خود کو وقف کیا تھا۔ اسی لئے ہمیں بھی ملک کو خوش حال اور ترقی یافتہ بنانے کیلئے آئندہ  ۲۵؍ سال میں ایسے ہی امرت کال کا سامنا کرنا ہے۔ اسی درمیان مودی نے آرٹیکل ۳۷۰؍ کی منسوخی کا بھی ذکر کیا جس کے سبب جموں کشمیر کو ریاست کا درجہ دیا جانا ہے۔ انہوں نے مزید کہا کہ کس نے یہ خیال کیا تھا کہ کشمیر کو آرٹیکل ۳۷۰؍ سے چھٹکارا مل جائے گا؟ لیکن آج کشمیر اور ملک کے درمیان آرٹیکل ۳۷۰؍ کی کھڑی دیوار گر گئی ہے۔ سردار ولبھ بھائی پٹیل آج جہاں بھی ہیں ہم سے خوش ہیں اور ہمارے لئے دعا گو ہیں۔ 

وزیر اعظم نریندر مودی سردار ولبھ بھائی پٹیل کے مجسمے کو سلامی دیتے ہوئے۔ تصویر: پی ٹی آئی