وزیر اعظم مودی نے مہاراشٹر اور جھارکھنڈ اسمبلی انتخابات کے نتائج کے بعد دونوں ریاستوں کے عوام اور بی جےپی کے کارکنوں کو مبارکباد دی ہے اور دونوں میں اچھی حکمرانی اور ترقی کے لئے  نیک خواہشات کا اظہار کیا۔ 

وزیر اعظم مودی نے مہاراشٹر اور جھارکھنڈ اسمبلی انتخابات کے نتائج کے بعد دونوں ریاستوں کے عوام اور بی جےپی کے کارکنوں کو مبارکباد دی ہے اور دونوں میں اچھی حکمرانی اور ترقی کے لئے  نیک خواہشات کا اظہار کیا۔  مودی نے ٹویٹر پر اپنے پیغامات میں کہاکہ ’’ترقی کی جیت! گڈ گورننس کی فتح! متحد ہوکر ہم اور بھی اونچی اڑان بھریں گے ! این ڈی اے کو تاریخی مینڈیٹ دینے کیلئے مہاراشٹر کی میری بہنوں اور بھائیوں، خاص طور پر ریاست کے نوجوانوں اور خواتین کا تہہ دل سے شکریہ ادا کرتا ہوں۔ یہ پیار اور گرمجوشی منفرد ہے۔ میں لوگوں کو یقین دلاتا ہوں کہ ہمارا اتحاد مہاراشٹر کی ترقی کے لئے کام کرتا رہے گا۔ جے مہاراشٹر! ‘‘ 
 مودی نے مزید کہا کہ میں مختلف ریاستوں کے لوگوں کا  بھی شکریہ ادا کرتا ہوں کہ انہوں نے  انتخابات میں این ڈی اے کے امیدواروں کو آشیرواد دیا۔ مجھے این ڈی اے کے ہر کارکن پر اور ان کی زمینی کوششوں پر فخر ہے۔ انہوں نے سخت محنت کی، لوگوں کے درمیان گئے اور ہمارے گڈ گورننس ایجنڈے کی تفصیل سے وضاحت کی۔ مودی نے ایک اور پوسٹ میں لکھاکہ میں جھارکھنڈ کے لوگوں کا شکریہ ادا کرتا ہوں کہ وہ ہمارے ساتھ تعاون کرتے ہیں۔