پونے میں کل رات سے شروع ہونے والی موسلادھار بارش کے سبب کئی علاقوں میں سیلابی صورتحال ہے۔ اس دوران ۴؍ افراد کی موت کی اطلاعات ہیں جبکہ ایک شخص شدید زخمی ہوا ہے۔ محکمہ موسمیات نے پونے کیلئے اورینج اور ممبئی کیلئے یلو الرٹ جاری کیا ہے۔

پونے میں بارش سے متعلقہ واقعات میں چار اموات کی اطلاعات ہیں۔ ہندوستانی محکمہ موسمیات (آئی ایم ڈی) نے شہر کیلئےاورینج الرٹ جاری کیا ہے۔ رات بھر کی موسلا دھار بارش اور اب بھی مسلسل بارش کے درمیان، خاص طور پر ڈیموں کے کیچمنٹ علاقوں میں، پونے اور پمپری چنچواڑ کے کچھ حصوں میں جمعرات کی صبح سیلاب جیسے مناظر تھے۔ دکن جمخانہ کے پلاچی واڑی علاقے میں آج علی الصبح کرنٹ لگنے سے تین افراد کی موت ہو گئی۔ ماول تحصیل کے اداروادی گاؤں میں ایک بھاری پتھر کا تودہ گرنے سے ایک شخص کی موت کی اطلاع ہے جبکہ ایک زخمی ہوا ہے۔ 

Pune rains river flood seen from metro
पुणे मेट्रोतून नदीला आलेला पूर#PuneRains#pune#PuneNews#rain #पुणे #म pic.twitter.com/cBnQHz7ddR

— Pravin Doke (@pravindoke007) July 25, 2024

آئی ایم ڈی کے ڈائریکٹر، ممبئی، سنیل کامبلے نے کہا کہ ’’مہاراشٹر میں مانسون بہت فعال ہے۔ کل، ہم نے پونے کیلئے ریڈ الرٹ جاری کیا تھا، اور شہر میں ۱۱۴؍ ملی میٹر بارش ہوئی۔ گھاٹ کے علاقوں میں ۲۰۰؍ ایم ایم بارش ریکارڈ کی گئی ہے۔ ممبئی اور مضافات میں اوسطاً ۶۵؍ ایم ایم بارش ریکارڈ کی گئی ہے۔ آج صبح تک پونے کیلئے ریڈ الرٹ تھا جسے اب اورینج کردیا گیا ہے جبکہ ممبئی میں یلو الرٹ ہے۔‘‘

بدھ کو پونے میں متھا ندی خطرے کا نشان پار کر گئی تھی۔ تصویر: پی ٹی آئی

کلکٹر سوہاس دیواس کے حکم کے بعد پونے اور آس پاس کے علاقوں میں اسکولوں کو آج بند رکھا گیا ہے۔