آج مظاہرین نے راجستھان کے بھیلواڑہ ضلع میں زبردستی دکانیں بند کروانے کی کوشش کی۔ ایک دن قبل قریب کےایک مندر میں مبینہ طور پر گائے کی دُم پائی گئی تھی جس کے بعد علاقے میں کشیدگی پھیل گئی تھی۔ تاہم، پولیس نے حالات پر قابو پالیا ہے۔

دی انڈین ایکسپریس کی خبر کے مطابق آج مظاہرین کے ایک بڑے گروپ نے راجستھان کے بھیلواڑہ ضلع میں لوگوں کو کاروبار بند کرنے پر مجبور کر دیا جس کی وجہ یہ بتائی گئی ہے کہ ایک دن قبل ایک مندر کے احاطے میں مبینہ طور پر گائے کی دُم ملی تھی۔ اتوار کو بھوانی نگر علاقے میں مبینہ طور پر دُم ملنے والی جگہ پر بھیڑ جمع ہوئی اور ذمہ داروں کے خلاف کارروائی کا مطالبہ کیا گیا جس کے بعد پولیس نے شہر میں پریڈ کی اور عوام سے امن برقرار رکھنے کی اپیل کی۔ انڈین ایکسپریس کے مطابق، تاہم ہندوتوا گروپوں نے شام ۵؍ بجے تک ملزمان کی گرفتاری کا مطالبہ کرتے ہوئے کہا کہ اگر کارروائی نہیں کی گئی تو پیر کو بازار بند کر دیئے جائیں گے۔

#Bhilwara: Protesters pelted stones on police injuring many police officers, vandalised shops and stoned houses belonging to Muslim community in Rajasthan`s Bhilwara today.

Hindutva mob was protesting against an injured cow being found near a temple on Sunday. @RajCMO will… pic.twitter.com/Qu2225r18L

— Saba Khan (@ItsKhan_Saba) August 26, 2024

اخبار نے نامعلوم ذرائع کا حوالہ دیتے ہوئے کہا کہ آج شہر کے حساس مقامات پر پولیس اہلکاروں کو تعینات کیا گیا تھا کیونکہ سوشل میڈیا پر ایک پیغام کے ذریعے عوام سے مندر میں جمع ہونے کی اپیل کی گئی تھی۔ ہندوتوا گروپ سنت سماج کے ارکان اور بھارتیہ جنتا پارٹی کے رکن پارلیمنٹ دامودر اگروال نے جائے وقوعہ پر پہنچ کر ملزمین کی فوری گرفتاری کا مطالبہ کیا۔ صبح ۱۱؍ بجے کے قریب، بھیڑ بڑھ گئی اور نعرے لگائے گئے۔ پولیس نے صورتحال پر قابو پانے کیلئے لاٹھی چارج بھی کیا۔ اس ضمن میں ایڈیشنل ڈسٹرکٹ مجسٹریٹ وندنا کھوروال نے کہا کہ ’’ہم نے صورتحال کو سنبھالنے کی کوشش کررہے تھے مگر نوجوانوں میں اتنا غصہ تھا کہ انہوں نے پتھراؤ شروع کردیا۔ ہم ان لوگوں کے خلاف کارروائی کریں گے جو شہر میں مسائل پیدا کرنے کی کوشش کر رہے ہیں۔‘‘ انہوں نے مزید کہا کہ ’’ہم نے پتھراؤ کرنے والے لوگوں کی گاڑیاں ضبط کر لی ہیں۔ حالات کو معمول پر لانے کی کوشش کر رہے ہیں اور بازار بند نہیں ہونے دیں گے۔‘‘