وزیر دفاع نے ایک پروگرام میں کہا ’’آج ہم جنگوں اور جنگوںکے امکانات کے درمیان جی رہے ہیں، ایسے میں نئی جنگی ٹیکنالوجی کو گہرائی سے سمجھنا ضروری ہے۔‘‘

وزیر دفاع راج ناتھ سنگھ نے کہا ہے کہ جنگوں میں نئی ​​ٹیکنالوجی کے مسلسل استعمال کے پیش نظر ہندوستانی دفاعی صنعت کو بھی ہتھیاروں کو بنانے میں غیر روایتی اور دوہرے استعمال اور سویلین ٹیکنالوجی کے استعمال کی طرف قدم اٹھانے ہوں گے۔ کچھ ممالک کے درمیان جاری جنگوں کا حوالہ دیتے ہوئے راجناتھ سنگھ نے پیر کو یہاں ایک پروگرام میں کہا کہ وقت کی ضرورت ہے کہ ہندوستان کسی سے پیچھے نہ رہے۔ 
 ڈیفنس مینوفیکچرنگ سیکٹر میں اختراع، جدوجہد اورخودکفالت کو فروغ دینے سے متعلق ایک پروگرام میں انہوں نے کہا ’’آج ہم کئی قسم کی جنگوں اور جنگوں کے امکانات کے درمیان جی رہے ہیں۔ ان جنگوں میں مسلسل نئی ٹیکنالوجیز کو شامل کیا جا رہا ہے۔ ان میں نہ صرف روایتی ہتھیاروں اور گولہ بارود کا استعمال ہو رہا ہے بلکہ کئی قسم کے دوہرے استعمال یا سویلین اشیاء اور ٹیکنالوجی کا استعمال کیا جا رہا ہے۔ انہیں ویپنائزکیا جا رہا ہے۔ ایسی صورتحال میں ہمیں اس قسم کی ٹیکنالوجی کو گہرائی سے سمجھنا ہوگا۔

یہ بھی پڑھئے:ناسک کے برہم گیری پربت پر سیروتفریح کیلئے آئے ۱۰؍ مسلم نوجوان پولیس کےسپرد!

ہمیں یہ دیکھنا ہے کہ ہم اپنی حفاظت کے لیے ان ٹیکنالوجیز کو تصوراتی طور پر کیسے استعمال کر سکتے ہیں۔ یہاں میں صرف دوسرے جنگ زدہ فریقوں کے ایپلی کیشنزکی نقل کرنے کی بات نہیں کر رہا ہوں۔ میں اس سے آگے بڑھتے ہوئے، ان سسٹمز یا ایپس کی طرف آپ کی توجہ مبذول کرانا چاہوں گا جو بالکل نئی ہوں اور صرف ہماری ہوں۔ ‘‘ انہوں نے کہا کہ ہم آئی ڈیکس اور اس طرح کی اسکیموں اور چیلنجوں کے حل سے آگے بڑھتے ہوئے، ایسی ٹیکنالوجی ایسے اختراعات لائیں جو اب تک کی ضروریات سے کہیں آگے کی چیز ہو اور وہ ہماری ضرورت بن جائے۔ 
 دفاعی شعبے میں خود انحصاری کیلئے تمام اسٹیک ہولڈرز کے تعاون کا مطالبہ کرتے ہوئے، انہوں نے کہا ’’خود انحصاری جیسا بڑا کام اکیلے حکومت نہیں کر سکتی۔ بلکہ اس کے لیے ہمیں اس سے وابستہ تمام اسٹیک ہولڈرز کا تعاون درکار ہے۔ انہوں نے کہا کہ فی الحال تمام اسٹیک ہولڈرز حکومت کے ساتھ ہیں اور انہیں یقین ہے کہ یہ رشتہ مزید مضبوط ہوگا اور ہندوستان میں دفاعی ماحولیاتی نظام سب سے مضبوط اور جدید ترین بن جائے گا۔