زرعی شعبے کی حمایت کے ایک قدم کے طور پر اور بڑھتی ہوئی لاگت کو مدنظر رکھتے ہوئے، ریزرو بینک آف انڈیا نے بغیر ضمانت کے زرعی قرضوں کی حد میں اضافہ کرنے کا اعلان کیا ہے۔

 ریزرو بینک آف انڈیا نے زرعی معاون کام کاج کے لئے زرعی قرض کی حد کو۶ء۱؍ لاکھ روپے سے بڑھا کر۲؍ لاکھ روپے کرنے کا اعلان کیا ہے۔ زرعی شعبے کی حمایت کے ایک قدم کے طور پر اور بڑھتی ہوئی لاگتوں کو مدنظر رکھتے ہوئے، ریزرو بینک آف انڈیا نے بغیر ضمانت کے زرعی قرضوں کی حد میں اضافہ کرنے کا اعلان کیا ہے، جس میں منسلک زرعی سرگرمیوں کے لیے بھی قرض شامل ہیں۔ موجودہ قرض کی حد ایک لاکھ ۶۰؍ ہزار روپے سے بڑھاکر فی قرض دہندہ دو لاکھ کر دی گئی ہے۔ 
یہ فیصلہ افراطِ زر اور زرعی اخراجات میں اضافے کے اثرات کو تسلیم کرتا ہے اور کسانوں کو مالیاتی سہولت فراہم کرنے کا مقصد رکھتا ہے تاکہ وہ بغیر ضمانت قرض حاصل کرکے اپنی عملی اور ترقیاتی ضروریات پوری کر سکیں۔ 
 زرعی قرضوں اور اس سے منسلک سرگرمیوں کے قرض، جو۲؍ لاکھ روپے تک فی قرض دہندہ ہیں، کے لیے ضمانتی سیکوریٹی اور مارجن کی شرائط ختم کردیں۔ نظرثانی شدہ رہنمایانہ خطوط کو فوری طور پر نافذ کریں تاکہ کسان برادری کو بروقت مالی امداد فراہم کی جا سکے۔ 

یہ بھی پڑھئے:ممتا مشینری کا آئی پی او ۱۹؍دسمبر کو جاری ہوگا

ان تبدیلیوں کی وسیع پیمانے پر تشہیر کریں تاکہ کسانوں اور متعلقہ علاقوں کے سبھی متعلقین کے درمیان زیادہ سے زیادہ رسائی اور آگاہی کو یقینی بنایا جا سکے۔ یہ اقدام خاص طور پر چھوٹے اور حاشیہ پر موجود کسانوں کے لیے (جو شعبے کا ۸۶؍ فیصد سے زیادہ حصہ ہیں )، قرضوں تک رسائی میں اضافہ کرتا ہے، جنہیں قرض لینے کے اخراجات میں کمی اور ضمانتی شرائط کے خاتمے سے فائدہ ملتا ہے۔ قرض کی تقسیم کو آسان بنا کر، اس اقدام سے کسان کریڈٹ کارڈ (کے سی سی) قرضوں کے حصول میں اضافہ ہونے کی توقع ہے، جس سے کسان اپنی زرعی سرگرمیوں میں سرمایہ کاری کر سکیں گے اور اپنی زندگی کے معیار کو بہتر بنا سکیں گے۔ 
ترمیم شدہ سود سبسیڈی اسکیم کے ساتھ، جو۳؍ لاکھ روپے تک کے قرض، ۴؍ فیصد شرح سود پر فراہم کرتی ہے، یہ پالیسی مالی شمولیت کو مضبوط کرتی ہے، زرعی شعبے کی حمایت کرتی ہے اور قرض پر مبنی معاشی ترقی کو فروغ دیتی ہے، جو حکومت کے پائیدار زراعت کے طویل مدتی نظریے سے ہم آہنگ ہے۔