عالمی ریڈ کراس کمیٹی نے ایکس پر کہا کہ اسرائیلی حملے کی زد میں آنے والے سیکڑوں فلسطینیوں کی جانب سے انہیں مدد کیلئے فون آرہے ہیں اور لوگ اپنی بے بسی کا ذکر کررہے ہیں۔ کمیٹی نے یہ بھی بتایا کہ اسرائیل کی جانب سے کسی بھی علاقے کو خالی کرنے کے غیر واضح  احکامات نے فلسطینیوں اور ان کی پریشانی مزید بڑھا دی ہے۔

اسرائیل اور مقبوضہ غزہ کی عالمی ادارہ ریڈ کراس کمیٹی نے ایکس پر ایک بیان میں کہا کہ’’ انہیں ہاٹ لائن پر مصیبت میں مبتلا فلسطینیو ں کے سیکڑوں فون آرہے ہیں جن میں بدحواسی کے عالم میں لوگ  مدد مانگ رہے ہیں ۔ پورا خاندان حملوں کی زد میں آکر حفاظت کی امید میں فون کرتا ہے لیکن اتنے لوگوں تک رسائی حاصل کرنا ہماری استطاعت کے باہر ہے۔‘‘ادارے نےکہا کہ ’’لوگ جنگ اور بار بار کی منتقلی سے تنگ آگئے ہیں اس کے علاوہ اسرائیلی فوج کی جانب سے علاقہ خالی کرنے کےغیر واضح احکامات بھی پریشانی میں مزید اضافہ کر رہے ہیں۔زندہ رہنے کی جد و جہد نے ان کی عزت نفس کو شدید دھچکا پہنچایا ہے۔ عالمی انسانی قانون کو ان کی ہر حال میں پرواہ کرنی چاہئے۔‘‘اپنے بیان میں ریڈ کراس  نے کہا کہ’’ شمالی غزہ کے عوام حملوں کی شدت جھیل رہے ہیں جس کے نتیجے میں نو مہینے کی جنگ میں سب سے زیادہ عوم شہید ہوئے، حالیہ دنوں میں اسرائیل کی جانب سے غیر واضح علا قہ خالی کرنے کے احکامات ان کے خوف اور تذبذب میں مزید اضافہ کر رہے ہیں۔ یہی وجہ ہے کہ لوف بدحواسی کے عالم میں مدد کیلئے ریڈ کراس کی ہاٹ لائن پر فون کر رہے ہیں، جنہیں پورا کرنا ہمارے بس کے باہر ہے۔‘‘

Months of hostilities, displacement, and fear have exhausted civilians in Gaza.

International humanitarian law must be respected – civilians must be spared from the impacts of fighting. pic.twitter.com/dIRpNr4KE1

— ICRC in Israel & OT (@ICRC_ilot) July 11, 2024

جو لوگ غزہ شہر میں ہیں انہیں جنوب کی سمت جانے کہا جاتا ہے جہا ں پہلے ہی بڑی تعداد میں لوگ موجود ہیں اس کے علاوہ وہاں بنیادی ضرورتوں کا بھی فقدان ہے،آج غزہ کی سچائی یہ ہے کہ جان بچانے کی جد و جہد نے ان کےانسانی وقار کو ختم کر دیا ہے۔بیان میں کہا گیا ہے کہ بین الاقوامی انسانی قانون اس طرز پر ترتیب دئے گئے ہیں کہ انسانی احترم کیا جائے حتیٰ کہ جنگ میں بھی اس کا لحاظ رکھا جائے،ہم جنگ میں شامل دونوں فریق سے کہہ رہے ہیں کہ قانون کا احترام کریں، جس میں جنگ کے اثرات سے عوام کو بچانا بھی شامل ہے ، اسکے علاوہ انسانی امداد کی ترسیل، حفاظت کو یقینی بنانے اور فوری مدد کے اقدام کرے۔واضح رہے کہ ۷؍ اکتوبرکے بعد اسرا ئیل کے اس نسل کش حملوں میں ۳۸؍ ہزار ۳؍ سو ۴۵؍ فلسطینی شہد اور ۸۸؍ ہزار ۲؍ سو ۹۵؍ زخمی ہو چکے ہیں۔