روسی صدر ولادیمیر پوتن نے ایک قانون پر دستخط کئے جس کی رو سے اب مہاجرین کے بچوں کو روسی اسکول میں داخلے کیلئے روسی زبان سے واقفیت لازمی قرار دی گئی ہے۔اس کے علاوہ غیر ملکیوں کو قانونی رہائش کی تصدیق کرنے والی دستاویز فراہم کرنا بھی ضروری قرار دیا گیا ہے۔

روس کے صدر ولادیمیر پوتن نے سنیچر کو ایک قانون پر دستخط کیے ہیں جو مہاجر بچوں کے سکولوں میں داخلے کیلئے روسی زبان کا جاننا لازمی قرار دیا گیا ہے۔ اس کے علاوہ، نئی قانون سازی کے تحت، غیر ملکی شہری بنیادی عمومی تعلیم کے پروگراموں میں صرف اس صورت میں داخلہ لے سکتے ہیں جب وہ روسی فیڈریشن میں اپنی قانونی رہائش کی تصدیق کرنے والی دستاویزات فراہم کریں۔مزید برآں، انہیں  بنیادی اور ثانوی سطحوں پر تعلیمی اداروں میں داخلہ حاصل کرنے کی اہلیت کا مظاہرہ کرنےکیلئےروسی زبان کی مہارت کا امتحان پاس کرنا ہوگا۔
روسی حکومت نے اس بات کو یقینی بنایا ہے کہ زبان کا امتحان ریاستی یا میونسپل تعلیمی اداروں میں مفت  ہوگا۔ تاہم، امتحان میں ناکام ہونے والوں کو ان اداروں میں داخلہ لینے کی اجازت نہیں ہوگی۔ قانون کے مطابق وزارت تعلیم زباندانی کی جانچ کے انتظام کیلئےطریقہ کار طے کرے گی۔