یہاں بی ایم سی کی جانب سے غیر قانونی ہوٹل ،ریسٹ ہاؤس اور دیگر تجارتی تعمیرات کیخلاف انہدامی کارروائی کی گئی۔ یہ کارروائی ایل وارڈ کے افسران کے ذریعے کی گئی۔

یہاں بی ایم سی کی جانب سے غیر قانونی ہوٹل ،ریسٹ ہاؤس اور دیگر تجارتی تعمیرات کیخلاف انہدامی کارروائی کی گئی۔ یہ کارروائی ایل وارڈ کے افسران کے ذریعے کی گئی۔ اس ضمن میں برہن ممبئی میونسپل کارپوریشن (بی ایم سی ) کی جانب سے دی گئی معلومات کے مطابق ایل وارڈ میں ساکی ناکہ میں سفید پل پر انڈسٹریل ایریا میں ہوٹل کیلئے  غیر قانونی طور پر توسیعی عمارت کی اندرونی دیواریں منہدم کر دی گئیں۔ اس کے علاوہ ساکی ناکہ میں۹۰؍ فٹ روڈ پر ۲؍ہاسٹل (ڈور میٹری)، ساکی ناکہ (اسلفا میٹرو اسٹیشن کے قریب) ۱۸؍ کمروں پر مشتمل عمارت اور۴۰؍ کمروں پر مشتمل ایک غیر قانونی ہوٹل کی عمارت کے خلاف بھی کارروائی کی گئی۔ یہ انہدامی کارروائی  ڈپٹی کمشنر(زون ۵)دیوی داس شیرساگر اور اسسٹنٹ کمشنر (ایل وارڈ) دھناجی ہورلیکرکی رہنمائی میں کی گئی تھی۔
 اس آپریشن میں ۳۰؍  ملازمین ، ۳۰؍  پولیس اہلکار، ایگزیکٹیو انجینئرس، اسسٹنٹ انجینئرز اور جونیئر انجینئرز شامل تھے۔ آپریشن کیلئے پوکلین ، جے سی بی پلانٹس اور گاڑیاں فراہم کی گئیں۔ میونسپل کمشنر اور ایڈمنسٹریٹر بھوشن گگرانی اور ایڈیشنل میونسپل کمشنر (مشرقی مضافات)  ڈاکٹر امیت سینی کی رہنمائی میں غیر قانونی تعمیرات  کے خلاف کارروائی کی جارہی ہے۔ میونسپل افسران نے یہ اعلان کیا ہے کہ یہ کارروائی اب جاری رہے گی۔