ٹرائی نے ابتدائی مارکیٹ کا اندازہ لگانے کیلئے ۵؍سال کی مدت طے کی ہے۔ ایلون مسک نے ۲۰؍ سالہ پرمٹ کی خواہش کا اظہار کیا تھا۔

 نئی دہلی (ایجنسی):ایک سرکاری ذرائع  نے بتایا کہ ہندوستان کا ٹیلی کام ریگولیٹر ی ادارہ یہ منصوبہ بنارہا ہےکہ ابتدائی مارکیٹ کا اندازہ لگانے کیلئے سیٹیلائٹ براڈ بینڈ اسپیکٹرم کو تقریباً ۵؍ سال کیلئے الاٹ کیا جائے۔ دوسری طرف  امریکی صنعتکار ایلون مسک کا اسٹار لنک ۲۰؍ سالہ پرمٹ کا خواہاں ہے۔
 ٹیلی کام ریگولیٹری اتھارٹی آف انڈیا (ٹرائی) فی الحال وفاقی حکومت کی کلیدی سفارشات پر کام کر رہی ہے، بشمول سیٹیلائٹ اسپیکٹرم کی مدت اور قیمتوں کا تعین، جسے انتظامی طور پر الاٹ کیا جائے گا۔ مسک اور ہندوستانی ارب پتی مکیش امبانی نے اس ہفتے ایک شراکت  قائم کی جس سے امبانی کے ریلائنس اسٹورس میں اسٹار لنک ڈیوائسز فروخت کئے جائیں گی جس سے اسے بڑی تقسیم تک رسائی ملے گی۔   امبانی کی ٹیلکو ذیلی کمپنی نے اسپیکٹرم کی نیلامی کے لئے مہینوں تک نئی دہلی سے ناکام لابنگ کی تھی  اور اسے انتظامی طور پر الاٹ نہیں کیا جیسا کہ امریکی صنعتکار ایلون مسک چاہتے تھے۔
 اسٹاک لنک نے  نئی دہلی کو ’’سستی قیمتوں اور طویل مدتی کاروباری منصوبوں‘‘ پر توجہ مرکوز کرنے کیلئے ۲۰؍ سال کیلئے اسپیکٹرم الاٹ کرنے کیلئے زور دیا ہے، جب کہ ریلائنس نے اسے ۳؍ سال کیلئے مانگا، جس کے بعد وہ اپنی عوامی گزارشات کے مطابق، ہندوستان کو مارکیٹ کا دوبارہ جائزہ لینا چاہتا ہے۔
 ایک اور ہندوستانی ٹیلکو، بھارتی ایئرٹیل نے بھی لائسنس کیلئے ۳۔۵؍ سال کی مدت کے لئے زور دیا ہے۔ ایئرٹیل اور مسک نے بھی امبانی کی ریلائنس کی طرح سٹار لنک کے لئے تقسیم کے معاہدے پر دستخط کئے ہیں۔
 ٹرائی   کا منصوبہ ہے کہ لائسنس کی کم مدت کے مطالبات سے اتفاق کیا جائے ’تقریباً ۵؍ سال اور پھر دیکھیں کہ سیکٹر کیسے ترقی کرتا ہے۔ سینئر سرکاری  ذرائع نے  فیصلہ سازی کے عمل کو خفیہ ہونے کی وجہ سے نام ظاہر کرنے سے انکار کیا۔
 سرکاری اہلکار نے بتایاکہ ’’ اس سے یہ سمجھنے میں مدد ملے گی کہ مارکیٹ کیسے مستحکم ہوتی ہے، اس لئے ۵؍ سال سے آگے جانے کا کوئی فائدہ نہیں۔  لائسنسنگ کے عمل سے واقف ایک صنعتی  ذرائع  نے کہا کہ مختصر وقت کی حد نئی دہلی کو ۵؍ سال کے بعد اسپیکٹرم کی قیمتوں پر نظر ثانی کرنے کی اجازت دے گی کیونکہ مارکیٹ کی ترقی ہوتی ہے۔ ٹرائی  نے روئٹرس کے سوالات کا جواب نہیں دیا۔ ائیرٹیل، ریلائنس اور اسٹار لنک  نے بھی فوری طور پر کوئی جواب نہیں دیا۔
 حکومتی  ذرائع  نے مزید کہا کہ ٹرائی کو لائسنس کے ٹائم فریم اور فی میگا ہرٹز اسپیکٹرم کی قیمتوں کے بارے میں اپنی سفارشات کو حتمی شکل دینے میں تقریباً ایک مہینہ لگے گا، جس کے بعد اسے مزید کارروائی کے لیے ہندوستان کی ٹیلی کام وزارت کو پیش کیا جائے گا۔ریلائنس اور ایئرٹیل کے ساتھ مسک کے معاہدے ہندوستان میں اسٹار لنک کو زیر التواء ریگولیٹری کلیئرنس جیتنے سے مشروط ہیں، لیکن   وزیر اعظم نریندر مودی کی واشنگٹن میں مسک سے ملاقات کے چند ہفتوں بعدبہت سے مسائل حل ہوچکے ہیں۔ خیال رہے کہ ان دونوں نے  خلائی، نقل و حرکت، ٹیکنالوجی اور اختراعات سمیت مسائل پر تبادلہ خیال کیا۔امبانی کو اس بات کی فکر ہے کہ ان کی ٹیلی کام کمپنی، جس نے ایئر ویو نیلامی میں۱۹؍ بلین ڈالر خرچ کیے، براڈ بینڈ کے صارفین کواسٹارلنک   اور ممکنہ طور پر ڈیٹا اور وائس کلائنٹس کو بعد میں گنوانے کا خطرہ لاحق ہے۔

مسک کو ملک میں  سروس کنٹرول سینٹر کھولنے کی ہدایت دی گئی 
ٹیلی کام کمپنیاں ایئرٹیل اور ریلائنس جیو نے ارب پتی ایلون مسک کے اسپیس ایکس کے ساتھ اسٹار لنک کے ہندوستان میں داخلے کیلئے معاہدہ کرنے کے چند دن بعد  مرکز نے اب امریکی سٹیلائٹ انٹرنیٹ سروس فراہم کرنے والی کمپنی  سے کہا ہے کہ وہ ملک میں ایک کنٹرول سینٹر کھولے۔ ایک رپورٹ کے مطابق یہ کنٹرول سینٹر امن و امان کو برقرار رکھنے میں مدد دے گا کیونکہ یہ حساس علاقوں میں مواصلاتی خدمات کو جب بھی اور جب ضرورت ہو معطل یا بند کر سکے گا۔  رپورٹ میں کہا گیا ہے کہ سیکورٹی ایجنسیوں کو کچھ مقررہ اختیارات حاصل ہوں گے، جس سے وہ جب بھی ضرورت ہو، سرکاری چینلز  سےروک سکیں گے۔