حج کے پیش نظر سعودی حکومت نے ۲۳؍ مئی سے عمرہ کے ویزے جاری کرنے بند کردیئے تھے۔ چونکہ اب حج مکمل ہوچکا ہے اور حاجی مدینہ کی طرف کوچ کرگئے ہیں اس لئے عمرہ کیلئے ویزا جاری کرنے کا عمل شروع کردیا گیا ہے۔ مملکت میں عمرہ سیزن کا باقاعدہ آغاز ۱۹؍ جولائی سے ہوگا۔

سعودی پریس ایجنسی (ایس پی اے) نے جمعرات کو اطلاع دی کہ سعودی عرب کی وزارت حج و عمرہ نے عمرہ کیلئے ویزے جاری کرنا شروع کر دیئے ہیں۔ عمرہ کا نیا سیزن محرم ۱۱۴۵؍ ہجری (۱۹؍ جولائی) سے شروع ہوگا۔ عمرہ کے خواہشمند ’’نوسوک ایپ‘‘ (nusuk)کے ذریعے الیکٹرانک ویزا کیلئے درخواست دے سکتے ہیں۔ اس اقدام کا مقصد مملکت میں عازمین عمرہ کی آمد کو ہموار کرنا اور ایک ہموار تجربہ کو یقینی بنانا ہے۔ اس پی اے نے کہا کہ وزارت عازمین کی زیادہ تعداد کو ایڈجسٹ کرنے اور ان کی ضروریات اور خواہشات کو پورا کرنے کیلئے ہر ممکن خدمت فراہم کرنے کی کوشش کررہی ہے۔ 

واضح رہے کہ سعودی عرب نے حج سیزن کی تیاری کیلئے نوسوک ایپ کے ذریعے عمرہ ویزوں کا اجراء عارضی طور پر معطل کر دیا تھا۔ معطلی کا اطلاق ۲۳؍ مئی تا ۲۱؍ جون تھا۔ اس دوران تمام زمروں کے وزٹ ویزا رکھنے والوں کے مکہ مکرمہ میں داخلے پر پابندی عائد کر دی گئی۔