سعودی عربیہ کے شہر مکہ میں واقع مسجد حرام میں عمرہ کرنے والوں کیلئے مکہ لائبریری اور گیٹ نمبر ۶۴؍ کے قریب ذخیرہ کرنے کی مفت سہولت کا اعلان کیا۔

سعودی عربیہ کے مکہ شہر کی عظیم الشان مسجدحرام کی انتظامیہ نے اعلان کیا کہ مسجد کے مشرق میں مکہ لائبریری کے قریب اور مغرب میں گیٹ ۶۴؍کے قریب عمرہ زائرین کیلئے سامان رکھنے کیلئے مفت اسٹوریج  کی سہولیات دستیاب ہیں۔سعودی پریس ایجنسی کے مطابق عمرہ کرنے والوں کو سہولیات تک رسائی کیلئے نسوک ایپ کے ذریعے اپنے اجازت نامے پیش کرنا ہوں گے۔عمرہ کرنے والے زیادہ سے زیادہ چار گھنٹے تک ۷؍کلو گرام وزنی بیگ رکھ سکتے ہیں، اس میں مائع چیزیں، قیمتی اشیاء، ممنوعہ اشیاء، خوراک اور ادویات کی اجازت نہیں ہے۔ بازیافت کیلئے کلیم ٹکٹ پیش کرنا ضروری ہے۔
سعودی پریس ایجنسی نے مزید کہا کہ انتظامیہ زائرین کی بہتر سہولت کیلئے خانہ کعبہ کی مسجد کے آس پاس کے تمام علاقے کو اپنی تحویل میں لینے کا ارادہ رکھتی ہے۔