میوات، ہریانہ سے تعلق رکھنے والے پرویز خان نے امریکہ میں جاری ایس ای سی چیمپئن شپ ۲۰۲۴ء میں ۸۰۰؍ اور ۱۵۰۰؍ میٹر دوڑ میں کامیابی حاصل کرلی ہے۔ فائنل ۱۲؍ مئی کو ہوگا۔

ہندوستانی ٹریک اینڈ فیلڈ ایتھلیٹ پرویز خان نے امریکہ میں بہترین کارکردگی کا مظاہرہ کرتے ہوئے ایس ای سی چیمپئن شپ ۲۰۲۴ء میں ۸۰۰؍ اور ۱۵۰۰؍ میٹر کے فائنل کیلئے کوالیفائی کرلیا ہے۔ میوات، ہریانہ سے تعلق رکھنے والے ۱۹؍ سالہ پرویز خان نے۸۰۰؍ میٹر کی دوڑ ۲۳؍ سیکنڈ اور ۱۵۰۰؍ میٹر کی دوڑ ۳؍ منٹ ۴۴؍ سیکنڈ ۹۸؍ ملی سیکنڈ میں مکمل کرکے ۱۲؍ مئی کو ہونے والے فائنل میں جگہ بنالی ہے۔ 

Parvez Khan from Mewat from farming family secures spots in the 1500m FINAL. Khan`s time of 3:44:98 was the top qualifying time in the field. pic.twitter.com/IF7NR7JdGn

— Mohammed Zubair (@zoo_bear) May 11, 2024

ان کا ۱۵۰۰؍ میٹر کوالیفائنگ دوڑ کا ایک ویڈیو سوشل میڈیا پر وائرل ہو رہا ہے جس میں پرویز دوسرے کھلاڑیوں کو بغیر کسی مشکل کے شکست دیتے نظر آ رہے ہیں۔ واضح رہے کہ پرویز خان این سی اے اے چیمپئن شپ میں فلوریڈا گیٹرز کی نمائندگی کررہے ہیں۔ وہ این سی اے اے چیمپئن شپ میں حصہ لینے والے پہلے ٹریک ایتھلیٹ ہیں اور امریکی کالجیٹ سرکٹ میں مقابلہ کرنے کیلئے تیجسون شنکر (اونچی چھلانگ) اور وکاس گوڈا (ڈسکس تھرو) جیسے دیگر ہندوستانی کھلاڑیوں کی فہرست میں شامل ہیں۔