پیرا اولمپک کمیٹی آف انڈیا کے زیر اہتمام ۱۹؍تا ۲۲؍اکتوبر گوا میں منعقد ہونے والے ۲۴؍ ویں نیشنل پیراسوئمنگ چمپئن شپ میں انقلاب ایوارڈ یافتہ شمس عالم نے تیراکی کے مختلف مقابلےمیں گولڈ ، سلور اور برونز میڈل حاصل کئے۔
EPAPER
Updated: October 24, 2024, 6:31 PM IST | Saadat Khan | Mumbai
پیرا اولمپک کمیٹی آف انڈیا کے زیر اہتمام ۱۹؍تا ۲۲؍اکتوبر گوا میں منعقد ہونے والے ۲۴؍ ویں نیشنل پیراسوئمنگ چمپئن شپ میں انقلاب ایوارڈ یافتہ شمس عالم نے تیراکی کے مختلف مقابلےمیں گولڈ ، سلور اور برونز میڈل حاصل کئے۔
پیرا اولمپک کمیٹی آف انڈیا کے زیر اہتمام ۱۹؍تا ۲۲؍اکتوبر گوا میں منعقد ہونے والے ۲۴؍ ویں نیشنل پیراسوئمنگ چمپئن شپ میں انقلاب ایوارڈ یافتہ شمس عالم نے تیراکی کے مختلف مقابلےمیں گولڈ ، سلور اور برونز میڈل حاصل کئے۔ دھاراوی کےشمس عالم نے بالترتیب ۲۰۰؍ میٹر میڈلے ، ۱۰۰؍میٹر فری اسٹائل اور ۱۰۰؍ میٹر بٹرفلائی تیراکی مقابلے میں نمایاں کارکردگی کا مظاہرہ کرتے ہوئے گولڈ، سلور اور برونز میڈل حاصل کئے۔ پیرا اولمپک کمیٹی آف انڈیا کے زیر اہتمام اس مقابلے کی میزبانی مشترکہ طور پر کمشنر برائے معذور افراد کے دفتر اور اسپورٹس اتھاریٹی آف گوا نے پیرا اسپورٹس اسوسی ایشن آف گوا اور پیرا سوئمنگ فیڈریشن آف انڈیا کے اشتراک سے کیا تھا۔ ۴؍ روزہ چمپئن شپ میں ۲۸؍ ریاستوں کی نمائندگی کرنے والے ۵۰۰؍ سے زیادہ تیراکوں نے حصہ لیا تھا۔ مردوں اور خواتین دونوں گروپوں کے مختلف عمر کے زمرے میں کل ۳۰۰؍ تمغوں کیلئے یہ مقابلے منعقد کئے گئے تھے۔ شمس عالم نے صوبہ بہار کی معرفت مقابلہ میں حصہ لیاتھا۔