شیکھر کپور کا سنسنی خیز انکشاف، دعویٰ کیا کہ وہ اُن لوگوں کو جانتے ہیں جنہوں نے سشانت کو بری طرح مایوس کیا، اداکار کے ماموں نے جانچ کا مطالبہ کیا

فلم اداکار سشانت سنگھ راجپوت کی خود کشی کے بعد ہر کوئی اس سوال کا جواب  معلوم کرنا چاہتا ہے کہ آخر وہ کیا حالات تھے جنہوں  نے ہمیشہ مسکراتے رہنے والے اس خوبرو نوجوان اداکار کو خودکشی جیسے انتہائی قدم پر مجبور کر دیا۔ سوشل میڈیا پر فلم انڈسٹری کی بڑی ہستیاں بھی  تعزیتی پیغامات کے ساتھ یہی سوال پوچھتے ہوئے حیرت کااظہارکررہی  ہیں تاہم معروف فلم پروڈیوسر شیکھر کپور نے اپنے ٹیوٹ سے دھماکہ کر دیا ہے۔  
 شیکھر کپور نے آنجہانی سشانت سنگھ راجپوت کا ہم راز ہونے کا دعویٰ کرتےہوئے  پیر کوٹویٹ کیا ہے کہ ’’میں جانتا تھا کہ تم کس درد سے گزر رہے ہو۔ میں جانتا ہوں ان لوگوں کی کہانی جنہوں نے تمہیں اس بری طرح مایوس کیا کہ تم میرے کندھے پر (سر رکھ کر) رویا کرتے تھے۔‘‘ اس کے ساتھ ہی انہوں نے افسوس کااظہارکیا کہ ’’کاش میں پچھلے ۶؍ مہینوں میں تمہارے آس پاس   رہ پاتا۔ کاش تم مجھ سے رابطہ کرلیتے۔‘‘