باندرہ ٹرمینس پر طویل مسافتی ٹرین میں چڑھنے کی کوشش کے دوران ہونے والی بھگدڑ کے بعد ویسٹرن ریلوے نے اس طرح کے حادثات کی روک تھام کیلئے مختلف اقدام کئے ہیں جن کے تحت اب تک ۱۰۰ مسافروں سے بڑے ڈرم ضبط کئے گئے ہیں جنہیں لے کر مسافر ٹرین میں چڑھنے کی کوشش کررہے تھے۔

باندرہ ٹرمینس پر طویل مسافتی ٹرین میں چڑھنے کی کوشش کے دوران ہونے والی بھگدڑ کے بعد ویسٹرن ریلوے نے اس طرح کے حادثات کی روک تھام کیلئے مختلف اقدام کئے ہیں جن کے تحت اب تک ۱۰۰ مسافروں سے بڑے ڈرم ضبط کئے گئے ہیں جنہیں لے کر مسافر ٹرین میں چڑھنے کی کوشش کررہے تھے۔ ویسٹرن ریلوے کے ایک افسر نے بتایا کہ جب سے پابندیاں عائد کی گئی ہیں تب سے اب تک باندرہ ریلوے ٹرمینس پر ۱۰۰ ڈرم ضبط کئے جاچکے ہیں جنہیں لے کر مسافر ٹرینوں میں چڑھنے کی کوشش کررہے تھے۔ یاد رہے کہ ۲۷ اکتوبر کی شب دیر گئے ممبئی سے باہر جانے والی ٹرین میں چڑھنے کی کوشش کے دوران بھگدڑ مچ گئی تھی اور ۱۰ مسافر زخمی ہوگئے تھے جن میں سے ٢ افراد کی حالت نازک ہوگئی تھی۔ اس حادثہ کا جو ویڈیو وائرل ہوا تھا اس میں چند افراد ایسے بھی نظر آرہے تھے جو بڑے بڑے ڈرم یا بہت زیادہ سازوسامان لے کر ٹرین میں چڑھنے کی کوشش کررہے تھے۔ اس حادثہ کے بعد ریلوے نے مستقبل میں اس طرح کے حادثات کی روک تھام کیلئے جو راہنما خطوط جاری کئے تھے ان میں بڑے ڈرم نہ لے جانا اور بہت زیادہ بڑے بیگ یا پھر ایک متعینہ وزن سے زیادہ سامان مفت نہ لے جانا بھی شامل ہے۔