دہلی میں لداخ بھون کے سامنے بھوک ہڑتال پر بیٹھے تھے، پولیس نے بتایا کہ انہیں وہاں بیٹھنے کی اجازت نہیں دی گئی تھی۔

دہلی پولیس نے اتوار کو راجدھانی کے لداخ بھون کے باہر بھوک ہڑتال پر بیٹھے ماحولیاتی کارکن سونم وانگچوک اور دیگر۲۰؍ مظاہرین کو حراست میں لے لیا۔ سونم وانگچوک نے دہلی پولیس کی اس کارروائی کو جمہوریت پردھبہ قراردیا ہے۔ مظاہرین نے نے کہا کہ وہ پُر امن طریقے سے بیٹھے تھے اور کوئی ہنگامہ آرائی نہیں کی جا رہی تھی۔ ایک سینئر پولیس افسر نے کہا کہ مظاہرین کو لداخ بھون کے بایر بیٹھنے کی اجازت نہیں ہے۔ انہوں نے جنتر منتر کے لئے عرضی دی ہے۔ ان کی عرضی پر غور کیا جا رہا ہے۔ افسر نے کہا کہ انہیں جلد ہی رہا کر دیا جائے گا۔ وانگچوک لداخ کو آئین کے چھٹے شیڈول میں شامل کرنے کے مطالبہ پر اپنے حامیوں کے ساتھ لیہہ سے پیدل چل کر دہلی آئے ہیں۔ وانگچوک کو اس سے قبل ۳۰؍ستمبر کو بھی حراست لیا گیاتھا، پھر رہا کردیاگیاتھا۔ سونم وانگچوک اپنے مطالبات کیلئے وزیر اعظم مودی سے ملاقات کرنا چاہتے ہیں۔ آئین کے چھٹےشیڈول میں شمال مشرقی ریاستوں کو خصوصی اختیارات دینے والی دفعات ہیں۔