جنوبی افریقہ کے شمال مشرقی صوبے لیمپوپو میں بس کے بیریئر سے ٹکرا جانے اور آتشزدگی کے سبب ۴۵؍ افراد جاں بحق ہوئے ہیں جبکہ صرف ایک بچی زندہ بچی ہے۔ بچی کو قریبی اسپتال منتقل کیا گیا تھا جہاں اس کی حالت اب بہتر بتائی جارہی ہے۔ حکام کے مطابق جائے وقوع سے اب تک ۳۴؍ لاشیں برآمد ہوسکی ہیں جن میں سے صرف ۹؍ کی شناخت ہوئی ہے۔

جنوبی افریقہ کے  شمال مشرقی صوبے لیمپوپو میں بس کے بیریئر سے ٹکرا جانے اور زمین پر پلٹنے کے بعد اس میں آگ لگ گئی تھی جس کے سبب ۴۵؍ افراد ہلاک ہو گئے تھے۔ اس حادثے میں صرف ایک بچی زندہ بچی ہے جسے شدید زخم آئے تھے اور اب اس کی حالت بہتر بتائی جا رہی ہے۔
حکام کے بتایا کہ جائے وقوع سے ۳۴؍ لاشیں برآمد ہوئی ہیں لیکن ان امیں سے صرف۹؍ کی شناخت کی جا سکی ہے۔ اس بس میں بوٹسوانا کے دارالحکومت گیبورون سے موریا قصبے میں ایسٹر سروس کیلئے جانے والے زائرین تھے۔ جنوبی افریقی بپلک بروڈکاسٹر ایس اے بی سی نے بتایا کہ جوہانسبرگ سے ۳۰۰؍ کلومیٹر کی دوری پر گاڑی نے قابوکھو دیا تھا۔ اس کے بعد گاڑی موکوپین اور مارکن کے درمیان مماتلاکالا پہاڑی سے نیچے اترگئی۔ڈپارٹمنٹ آف ٹرانسپورٹ کے ترجمان کولین مسیبی نے بی بی سی کو بتایا کہ جو لڑکی زندہ بچی ہے وہ فی الحال اسپتال میں ہے اور اس کی حالت بہتر بتائی جا رہی ہے۔

Bus accident in South Africa kills 45 people , the only survivor of the crush is 8 year old child. The bus was transporting people from Botswana to south Africa. So sad to lose this people during this precious Easter 😭😭😭😭😭 pic.twitter.com/7Sr4IfVgUb

— @ojy mungai (@MungaiOjy99826) March 29, 2024

انہوں نے مزید کہا کہ جب بس بیریئر سے ٹکرائی تھی جو بچی بس سے باہر آگئی تھی۔ راحت رسانی کا کام جمعرات کی شام تک جاری رہا اور اب بھی جاری ہے۔ لمپوپو کے صحت کے اہلکار فوفی راماتھوبا نے جنوبی افریقہ کے براڈکاسٹر ای این سی اے کو بتایاکہ حادثے کے متاثرین کے جسم کے اعضاء آگ کے سبب آپس میں مل گئے تھے جس کی وجہ سے اب تک صرف ۹؍ افراد کی شناخت ہو سکی ہے۔وزیر برائے مواصلات سنڈیسیوی چیکنگا، جنہوں نے جائے وقوع پر جاکر حالات کا جائزہ لیا تھا ، نے متاثرین کے اہل خانہ سے اظہار غم کیا ہے۔
انہوں نے مزید کہا کہ ہمارے خیالات اور ہماری دعائیں ان مشکل حالات میں آپ کے ساتھ ہیں۔ ہم نے بتایا کہ ہم سختی کے ساتھ ہر وقت ذمہ دارانہ ڈرائیونگ پر زور دیتے رہتے ہیں کیونکہ اس ایسٹر ویک اینڈ پر زیادہ لوگ اس سڑک سے سفر کرتے ہیں۔خیال رہے کہ جنوبی افریقہ سڑکوں کی حفاظت کے معاملے میں پیچھے ہے۔
مس چیکنگا نے این این سی اے کوبتایا کہ جس سڑک سے بس گری ہے وہاں پر کافی تیز اور خطرناک موڑ ہیں۔ میں کبھی کسی ایسے شخص کو اس سڑک کو استعمال کرنے کا مشورہ نہیں دوں گی جو بڑی گاڑی چلا رہا ہو جیسے کہ سڑک یا بس۔
بوسٹاوانا کے صدرموکویتسی ماسیسی نے متاثرین کے اہل خانہ کے ساتھ اظہار غم کیا ہے۔تاہم، جنوبی افریقہ کے صدرسیرل راموفوساکے دفتر نے بھی جمعرات کو اپنے بیان میں متاثرین کے اہل خانہ کے ساتھ اظہار غم کیا تھا۔