جنوبی افریقہ کے شہر جارج میں ایک پانچ منزلہ عمارت منہدم ہونے سے ۸۱؍ افراد اس کی زد میں آگئے۔ اس حادثہ میں ۸؍ افراد ہلاک ہوئے ہیں۔ ۲۹؍ کو زندہ بچالیا گیا ہے جبکہ ۴۴؍ افراد اب بھی ملبے میں دبے ہیں۔ حادثہ کی وجوہات کا فوری طور پر پتہ نہیں چل سکا ہے۔ صدر سیرل رامافوسا نے تحقیقات کا حکم دیا ہے۔

جنوبی افریقہ کے شہر جارج میں ایک منہدم عمارت کے نیچے پھنسے ۴۴؍ تعمیراتی کارکنوں کے لواحقین کو چوتھے دن پریشان کن انتظار کا سامنا کرنا پڑا جبکہ بھاری مشینیں جائے وقوع پر گزرتے وقت کےساتھ زندہ بچ جانے والوں کی معدوم ہوتی امیدوں کے درمیان تلاشی کا کام کر رہی ہیں۔ پیر کو پانچ منزلہ عمارت کےگرنے کے وقت ۸۱؍افراد جائے وقوعہ پر موجود تھے۔ جمعرات کو جارج میونسپلٹی کے تازہ ترین اعداد و شمار کے مطابق، آٹھ کے مرنے اور ۲۹؍کے زندہ ہونے کی تصدیق کی گئی ہے، جن میں سے ۱۶؍کی حالت تشویشناک ہے۔سرکاری نشریاتی ادارے ایس اے بی سی کے مطابق لاپتہ افراد کی شناخت کو عام نہیں کیا گیا ہے، لیکن ناموں کی ایک فہرست ان رشتہ داروں کے گروپوں میں گردش کر رہی تھی جو پیر سے جائے حادثہ پر جمع ہوئے تھے، اور اپنے اعزاء کی خبروںکیلئے بے چین تھے۔

A total of 6 people have been killed, with 27 people removed from rubble and 48 people unaccounted for after a multi-story construction building collapsed yesterday in George, Western Cape, South Africa 🇿🇦
▪︎ 6 May 2024 ▪︎#georgebuildingcollapse #George #SouthAfrica pic.twitter.com/2jXRETAQJO

— DISASTER TRACKER (@DisasterTrackHQ) May 7, 2024

ایک ارتھ موور کو منہدم عمارت سے کنکریٹ کے ٹوٹے ہوئے سلیبوں کو ہٹاتے ہوئے دیکھا جا سکتا ہے، جو ملبے کا ڈھیر نظر آرہی ہے۔پھنسے ہوئے لوگوں کی تلاش کے لیے سونگھنے والے کتوں کو لایا گیا ہے۔اس حادثہ نے جارج میں یکجہتی کو فروغ دیا ہے، مقامی کمپنیاں سامان فراہم کر رہی ہیں اور رضاکارمنتظر رشتہ داروں اور امدادی کارکنوں کے لیے کافی سٹال لگا رہے ہیں۔منگل کو ڈیزاسٹر مینجمنٹ کے ایک اہلکار نے بتایا کہ ریسکیو ٹیمیں پھنسے ہوئےزندہ لوگوں کی آوازیں سن رہی ہیں، لیکن اس کے بعد سے اس بارے میں مزید کوئی اطلاع نہیں ملی ہے۔واضح رہے کہ عمارت گرنے کی وجوہات کا ابھی تک پتہ نہیں چل سکا ہے۔ جبکہ صدر سیرل رامافوسا نے تحقیقات کا حکم دے دیا ہے۔