تلنگانہ کے ایک اسکول میں ہندو شدت پسندوں نے جبراً گھس کر اس وقت ہنگامہ کیا جب وہاں دوپہر کھانے کے اوقات میں کچھ طالبات اسکول انتظامیہ کی اجازت سے ایک مختص کمرے میں جمعہ کی نماز ادا کر رہی تھیں، لیکن پھر بھی ان انتہا پسندوں نے طالبات کے ساتھ بد تمیزی کی اور اسکول انتظامیہ کو بھی دھمکایا۔ اس ضمن میں اب تک کوئی کارروائی نہیں کی گئی ہے۔

جمعہ کو تلنگانہ کے وانا پارتھی علاقے میں واقع چانکیہ ہائی اسکول میں دوپہر کے کھانے کے اوقات میں کچھ مسلم طالبات اسکول انتظامیہ کی اجازت سےایک مختص کمرے میں جمعہ کی نماز ادا کر رہی تھیں، اسی اثنا میں وہاں کچھ ہندو شدت پسند پہنچ گئے اور ہنگامہ شروع کر دیا۔ یہ واقعہ ۲۳؍اگست کو پیش آیا ۔ان شدت پسندوں نے وہاں موجود طالبات کے ساتھ بدتمیزی کی ساتھ ہی اسکول انتظامیہ کو بھی دھمکا یا۔ 

Some anti-social elements belonging to Bajrang Dal entered Chanakya High School in Wanaparthy and threatened and thrashed some muslim girls who were offering Namaz with permission from school authorities and also warned the school authorities on 23rd Aug, but irony of the… pic.twitter.com/px3119QvD6

— Amjed Ullah Khan MBT (@amjedmbt) August 27, 2024

اس واقع کے چھ دن گزرنے کے بعد بھی ابھی تک کسی قسم کی کوئی کارروائی نہیں ہوئی،اور نہ ہی پولیس کی جانب سے ابتدائی رپورٹ درج کی گئی ہے، اور نہ ہی کوئی گرفتاری عمل میں آئی ہے۔مجلس بچائو تحریک کے ترجمان امجد اللہ خان نے سوشل میڈیا پلیٹ فارم ایکس پر ایک پوسٹ میں اس واقع کی مذمت کی ہے ۔ سا تھ ہی تلنگانہ کے وزیر اعلیٰ ریونت ریڈی اور پولیس سپرنٹنڈنٹ سے اس معاملے میں کارروائی کا مطالبہ کیا ہے۔ انہوں نے کہا کہ اس واقع سے نہ صرف مسلمانوں کے مذہبی جذبات مجروح ہوئے بلکہ والدین بھی بچوں کے تعلق سے فکر مند ہیں۔