حماس کے جیالوں  نے شمالی غزہ میں فلسطینیوں کے قتل عام کی قیادت کرنےوالے اسرائیل کی ۴۰۱؍ ویں بریگیڈ کے کمانڈر کرنل احسان ڈکسا کو موت کے گھاٹ اتار دیا ہے۔

حماس کے جیالوں نے شمالی غزہ میں فلسطینیوں  کے قتل عام کی قیادت کرنے والے اسرائیل کی ۴۰۱؍ ویں  بریگیڈ کے کمانڈر کرنل احسان ڈکسا کو موت کے گھاٹ اتار دیا ہے۔ وہ گزشتہ ۲؍ ہفتوں سے جبالیہ کیمپ میں زمینی کارروائی کے دوران فلسطینی شہریوں کی نسل کشی میں مصروف تھا۔ منگل کو بکتر بند گاڑی سے نکلتے ہی دھماکہ خیز مادہ سے حملہ کر کے حماس کے جنگجوؤں نے اسے اس کے انجام تک پہنچا دیا۔ کئی گھنٹوں کے تامل کے بعد اسرائیلی فوج نے اپنے کمانڈر کی موت کی  تصدیق کردی ہے۔ تفصیلات کے مطابق حماس کی فوجی اکائی ’’القسام بریگیڈ‘‘ کے مسلح جنگجوؤں  نے مذکورہ کمانڈر کو اس وقت گردن میں گولی ماری جب وہ علاقے کے دورہ پر تھا اور بکتر بند گاڑی سے نکلنے کے بعد بارودی سرنگ کا شکار ہو گیا تھا۔ زخمی ہونے کے بعد اس نے فرار ہونے کی کوشش کی تو القسام کے ایک نشانہ باز نے اس کی گردن میں گولی ماری اور وہ وہیں ڈھیر ہوگیا۔