وزیر مواصلات نے معلومات تک رسائی کو جمہوری بنانے اور ڈجیٹل انقلاب کی قیادت کیلئے ۶؍جی جیسی اگلی نسل کی ٹیکنالوجیز کو اپنانے کیلئے ہندوستان کی تیاری پر زور دیا۔

 مواصلات کے وزیر جیوترادتیہ سندھیا نے مواد کی تخلیق (کنٹینٹ کریئیشن )میں ہندوستان کی قیادت کو اجاگر کرتے ہوئے جمعہ کو کہا کہ ہندوستان دنیا کا مواد تخلیق کرنے والا دارالحکومت بننے کی طرف بڑھ رہا ہے، جس کا بازار آج۳۰؍ بلین ڈالرس سے بڑھ کر ۲۰۳۵ء تک ۴۸۰؍ بلین روپے ہو جائے گا۔ 
  مواصلات کے وزیر سندھیا نے نئی دہلی جاری انڈیا موبائل کانگریس ۲۰۲۴ء میں ’انڈیا میں مواد کی تخلیق میں انقلاب: اگلے ایک ارب صارفین کو شامل کرنے کیلئے اے آئی اور ڈجیٹل پلیٹ فارم کا استعمال‘ کے عنوان سے پینل بحث کے دوران یہ بات کہی۔ 
 انہوں نے معلومات تک رسائی کو جمہوری بنانے اور ڈجیٹل انقلاب کی قیادت کیلئے ۶؍جی جیسی اگلی نسل کی ٹیکنالوجیز کو اپنانے کیلئے ہندوستان کی تیاری پر زور دیا۔ سندھیا نے مواد کی تخلیق میں انقلاب برپا کرنے میں اے آئی کے کردار پر روشنی ڈالی۔ 
 پینل نے اس بات پر زور دیا کہ مواد کی تخلیق میں اے آئی آمدنی کے سلسلے کو بڑھانے، لاگت کو کم کرنے اور نئی منڈیوں میں داخل ہونے کا ایک موقع ہے، خاص طور پر ٹائر۲؍ اور ٹائر ۳؍ شہروں میں جہاں مواد کی کھپت کے نمونے تیار ہو رہے ہیں، جیسا کہ اے آئی حقیقی وقت میں ذاتی بنانے اور ناظرین کے ساتھ تعامل کی سہولت فراہم کرتا ہے، تخلیقی معیشت تیزی سے بڑھنے کیلئے تیار ہے۔ ایشیا کا سب سے بڑا ڈجیٹل ٹیکنالوجی پلیٹ فارم، انڈیا موبائل کانگریس، ٹیکنالوجی اور ٹیلی کام ایکو سسٹم میں صنعت، حکومت، اکیڈمی، ا سٹارٹ اپس اور دیگر اہم اسٹیک ہولڈرس کو اختراعی حل، خدمات اور جدید استعمال کے معاملات کو ظاہر کرنے کیلئے ایک مشہور عالمی پلیٹ فارم ہے۔ 
 انڈیا موبائل کانگریس ۲۰۲۴ء میں ۴۰۰؍ سے زیادہ نمائش کنندگان تقریباً۹۰۰؍ اسٹارٹ اپس اور۱۲۰؍ سے زیادہ ممالک کی شرکت دیکھی جا رہی ہے۔ یہ تقریب ۹۰۰؍ سے زیادہ ٹیکنالوجی کے استعمال کے کیس کے منظرناموں کی بھی نمائش کر رہی ہے، جس میں ۶۰۰؍ عالمی اور ہندوستانی مقررین کے ساتھ۱۰۰؍ سے زیادہ سیشنز کا انعقاد کیا جا رہا ہے۔