معمولی وجہ سے ایک سر پھرے شخض نے نوجوان پر کار چڑھا دی اور اسے کچھ دور تک گھسیٹتا ہوا لے گیا۔ زخمی نوجوان کو ایک نجی اسپتال میں داخل کیا گیا ہے۔

معمولی وجہ سے ایک سر پھرے شخض نے نوجوان پر کار چڑھا دی اور اسے کچھ دور تک گھسیٹتا ہوا لے گیا۔ زخمی نوجوان کو ایک نجی اسپتال میں داخل کیا گیا ہے۔ مان پاڑہ پولیس نے کار ڈرائیور کے خلاف کیس درج کرلیا ہے۔ 
 ڈومبیولی مشرق کےداوڑی میں رہنے والا سنجے یادو ، جو پیشے سے ایم آر ہے، سنیچر کی شب ساڑھے ۹؍ بجے شیو مندر کے پاس اپنے دوستوں کے ساتھ بات چیت کررہا تھا۔ دریں اثناء ملند ٹھاکرے نام کا شخص اپنی کار سے آیا اور کہا کہ یہ جگہ میری ذاتی ملکیت کی ہے۔ تم لوگ یہاں کیا کررہے ہو۔ اس درمیان سنجے یادو کی ملند ٹھاکرے سے کچھ کہاسنی ہوگئی۔ اس کے بعد سنجے اپنے گھر جانے لگا تب ملند ٹھاکرے نے اپنی کار سے اس کو پیچھے سے ٹکر ماری اور کچھ دور تک گھسیٹتے ہوئے لے گیا۔ یہ پورا واقعہ سی سی ٹی وی کیمرے میں قید ہوگیا ہے۔ اس واقعہ میں سنجے جادھو کے پیر پر چوٹ آئی ہے۔ فی الوقت وہ ایک نجی اسپتال میں زیر علاج ہے۔ اس معاملے میں مانپاڑہ پولیس نے غیر اردتاً قتل کا مقدمہ درج کرکے ملزم کی تلاش شروع کردی ہے۔