حج ۲۰۲۵ء کیلئے درخواست دینے کی پیر۲۳؍ ستمبر کو آخری تاریخ ہے۔ حج کمیٹی آف انڈیا کے مطابق حالانکہ گزشتہ سال کے مقابلے درخواستیں کمی آئی ہیں مگر کوٹہ سے زیادہ ہیں‌۔

حج ۲۰۲۵ء کیلئے درخواست دینے کی پیر۲۳؍ ستمبر کو آخری تاریخ ہے۔ حج کمیٹی آف انڈیا کے مطابق حالانکہ گزشتہ سال کے مقابلے درخواستیں کمی آئی ہیں مگر کوٹہ سے زیادہ ہیں‌۔ حج کمیٹی آف انڈیا کے ایڈیشنل سی ای او لیاقت علی آفاقی سے نمائندہ انقلاب کے رابطہ قائم کرنے پر  بتایا کہ ’’ آج آخری تاریخ ہے، تاریخ میں توسیع کی گنجائش نہیں ہے۔ ویسے بھی اس دفعہ ایک لاکھ۲۲؍ ہزار عازمین ہی حج کمیٹی کے توسط سے حج بیت اللہ کے لئے جائیں گے اور اس سے زائد درخواستیں موصول ہوچکی ہیں۔‘‘ انہوں نے یہ بھی کہا کہ’’ اس سے زیادہ اہم سعودی وزارۃ الحج کے ایکشن پلان کو پیش نظر رکھتے ہوئے اپنے طور پر تیاری کرنی ہے۔  اس لئے اب چند دنوں بعد دوسرے کاموں یعنی قرعہ اندازی وغیرہ پر توجہ دی جائے کی تاکہ حج۲۰۲۵ء کا پروسیس تیزی کے ساتھ آگے بڑھایا جاسکے۔‘‘