غزہ پر جاری اسرائیلی جارحیت کے سبب تیونس میں یہودیوں نے اپنی سالانہ تقریب منسوخ کر دی ہے۔ اس کے علاوہ زیارت اور رسومات کومحدود کر دیا گیا ہے۔

غزہ میں مسلمانوں کی نسل کشی سے دلبرداشتہ ہوکر تیونس کے سائنا گوگ (یہودیوں کی عبادتگاہ) میں یہودیوں کی سالانہ تقریب منسوخ کر دی گئی ہے۔ آرگنائزنگ کمیٹی کے سربراہ پیریز ترابیلسی نے بتایا کہ سالا نہ زیارت کو سائنا گوگ کے اندر،مختصر رسومات تک محدود کر دیا گیا ہے، اور بہت ہی کم تعداد میں زائرین کی آمد متوقع ہے۔ انہوں نے مزید کہا’’جب لوگ ہر روز مررہے ہیں تو ہم جشن کیسے منائیں ؟‘‘

یہ بھی پڑھئے:دوردرشن زعفرانی لوگو: عوامی تنقید کا سامنا، سوشل میڈیا پر مباحثے جاری

جزربا، ایک جزیرہ جو چھٹیوں کی تفریحی مقام کے طور پر جانا جاتا ہے، افریقہ کی قدیم ترین عبادت گاہ اور سالانہ زیارت کی میزبانی کرتا ہے۔ مذہبی تقریب میں شرکت کیلئے عموماً ہزاروں یہودی اسرائیل اور کئی یورپی ممالک سے آتے ہیں۔اگرچہ مقامی طور پر زیادہ تر مسلمانوں کی آبادی ہے، تیونس شمالی افریقہ کی سب سے بڑی یہودی برادریوں میں سے ایک ہے۔ یہاں یہودیوں کی کل آبادی ۱۸۰۰؍افراد پر مشتمل ہے۔ تیونس میں یہودی، رومن دور سے ہی آباد ہیں۔ اس سال یہودیوں کی زیارت مئی کے آخر میں ہونے والی ہے۔