نومنتخب امریکی صدر ڈونالڈ ٹرمپ کی جانب سےمحصولات بڑھانےکے اعلان نے عالمی بازاروں میں بھی منفی رجحان پیداکیا۔

نو منتخب امریکی صدر ڈونالڈ ٹرمپ کے درآمدات پر محصولات عائد کرنے کے اعلان کی وجہ سے عالمی منڈی کے منفی رجحان سے حوصلہ شکنی کے باعث سرمایہ کاروں نے ۱۲؍ گروپس بشمول یوٹیلٹیز، آٹو، تیل اور گیس کی فروخت شروع کردی۔ مقامی سطح پر اسٹاک مارکیٹ میں گزشتہ دو روز سے جاری تیزی منگل کو تھم گئی۔ بی ایس ای کے۳۰؍ حصص والے حساس انڈیکس سینسیکس میں۱۰۵ء۷۹؍ پوائنٹس کی کمی ہوئی اور۸۰۰۰۴ء۰۶؍پر رہا۔ جبکہ نیشنل اسٹاک ایکسچینج (این ایس ای) نفٹی ۲۷ء۴۰؍  پوائنٹس پھسل کر۲۴۱۹۴ء۵۰؍  پر آگیا۔
تاہم، بی ایس ای کی بڑی کمپنیوں کے برعکس درمیانی اور چھوٹی کمپنیوں کے حصص میں خرید و فروخت ہوئی، جس نے مارکیٹ کو سہارا دیا۔ اسکی وجہ سے مڈ کیپ۰ء۱۰؍فیصد بڑھ کر ۴۵۸۰۰ء۴۷؍ پوائنٹس اور اسمال کیپ ۰ء۶۲؍ فیصد اضافے کے ساتھ ۵۳۹۲۳ء۲۴؍ پوائنٹس پر پہنچ گئی۔ اس عرصے کے دوران بی ایس ای میں کل۴۰۳۱؍ کمپنیوں کے حصص کا کاروبار ہوا جن میں سے۲۲۷۷؍  میں اضافہ جبکہ۱۶۴۴؍  میں کمی اور۱۱۰؍میں کوئی تبدیلی نہیں ہوئی۔ اسی طرح ۲۷؍نفٹی کمپنیاں سرخ رنگ میں بند ہوئیں جبکہ۲۳؍ ​​دیگر سبز رنگ میں بند ہوئیں۔
تجزیہ کاروں کے مطابق  ٹرمپ کے ٹیرف اور اضافی محصولات عائد کرنے کے وعدے سے سرمایہ کار مایوس ہوئے۔ جس کی وجہ سے عالمی منڈی میں مندی کا رجحان رہا۔ اس عرصے کے دوران برطانیہ کا ایف ٹی ایس ای۰ء۳۹، جرمنی کا ڈیکس۰ء۵۵، جاپان کا نکی۰ء۸۷؍ اور چین کا شنگھائی کمپوزٹ۰ء۱۲؍ فیصد گر گیا۔ تاہم ہانگ کانگ کے ہینگ سینگ میں۰ء۰۴؍ فیصد اضافہ ہوا۔ اس کی وجہ سے بی ایس ای کے۱۲؍ گروپس میں زبردست فروخت ہوئی۔ اس دوران کموڈٹیز ۰ء۱۱، سی ڈی۰ء۱۱، انرجی۰ء۵۹، ہیلتھ کیئر ۰ء۵۹،  یوٹیلٹیز۱ء۷۷، آٹو۱ء۲۶، بینکنگ ۰ء۱۲، کیپٹل گڈز۰ء۱۱، کنزیومر ڈیوربلز ۰ء۱۰، آئل اینڈ گیس اور پاور کے حصص میں۰ء۹۴؍فیصد کمی ہوئی۔