اوبر نے ملک میں اپنے مسافروں کی حفاظت کو بڑھانے کے مقصد سے کچھ خاص خصوصیات اپنے ایپ میں پیش کی ہیں جس میں خواتین مسافروں اور ڈرائیورس پر خصوصی توجہ دی گئی ہے۔

اوبر نے ملک میں اپنے مسافروں کی حفاظت کو بڑھانے کے مقصد سے کچھ خاص خصوصیات اپنے ایپ میں پیش کی ہیں جس میں خواتین مسافروں اور ڈرائیورس پر خصوصی توجہ دی گئی ہے۔ کمپنی نے مزید حفاظت کیلئے آڈیو ریکارڈنگ اور اوبر کی سواریوں کیلئے خواتین سواروں کی ترجیح کا اعلان کیا ہے۔ اس کے ساتھ ہی اوبر نے نے بنگلورو میں واقع این جی اودرگا کے ساتھ شراکت کی ہے۔ اوبر کے مسافر اب حفاظتی خصوصیات جیسے رائیڈچیک، شیئر مائی ٹرپ اور آڈیو ریکارڈنگ سے فائدہ اٹھا سکیں گے تاکہ اوبر کی ہر سواری پر خودکار طور پر فعال ہو سکے۔ 
یہ فیچرس اوبر کی ہر سواری کے دوران مسافروں اور ڈرائیورس کو محفوظ محسوس کروانے کی کوششوں میں تازہ ترین ہے۔ کمپنی حفاظت کو بڑھانے کیلئے تکنیکی مہارت اور جدت کا استعمال کرتی ہے۔ 
سورج نائر، ہیڈ سیفٹی آپریشنز، اوبر انڈیا اور ساؤتھ ایشیا نے کہا کہ ہمیں یقین ہے کہ حفاظت پر ہمارا کام کبھی نہیں رکتا۔ ہم حفاظت کو بڑھانے اوراوبر کی ہر سواری پر مجموعی تجربے کو بڑھانے کیلئے جدت میں صنعت کی قیادت کرتے رہتے ہیں۔ یہ مسافروں اور ڈرائیورس کو براہ راست پولیس کے ساتھ براہ راست مقام اور سواری کی تفصیلات کا اشتراک کرنے کی اجازت دے کر حفاظتی نازک حالات کے دوران فوری ہنگامی امداد کو یقینی بناتا ہے۔ یہ فیچر فوری مدد فراہم کرنے کیلئے ڈیزائن کیا گیا ہےاور یہ فیچر تلنگانہ میں لائیو ہے۔ اوبر نے مہاراشٹر اور اتر پردیش میں جانچ مکمل کر لی ہے۔ پولیس کے تعاون کو گرین سگنل دینے کے بعد ریاست اسے نافذ کرنے کیلئے تیار ہے۔ 
خواتین ڈرائیورس کے پاس اب صرف خواتین سواروں کو قبول کرنے کا اختیار ہوگا۔ یہ ایک فیچر ہے جو خاص طور پر دیر رات کے دوران مفید ثابت ہوگا۔ ڈرائیورس کے تاثرات کی بنیاد پر متعارف کروایا گیا۔ اوبر نے درگا کے ساتھ شراکت کی ہے، جو بنگلورو میں قائم ایک این جی او ہے جو صنفی مساوات اور حفاظت کو فروغ دینے کیلئے وقف ہے۔ اس پارٹنرشپ میں ڈرائیورس کیلئے ورچوئل سیشنز شامل ہوں گے تاکہ خواتین سواروں کی حفاظت کے خدشات کو سمجھ سکیں اور ان کو حل کریں۔