دھوکہ دہی کے معاملے میں مفرور شراب کاروباری کو ہندوستان واپس لانےکا رواستہ صاف

بینکوں کے ساتھ ۹؍  ہزار کروڑ روپے کی دھوکہ دہی اور منی لانڈرنگ کے معاملے  میں مطلوبہ مفرور شراب کاروباری وجے مالیا کو جمعرات اس وقت زبردست جھٹکا لگا، جب برطانیہ کی سپریم کورٹ نے اس کی  ہندوستان  حوالگی کے خلاف اپیل سے متعلق درخواست مسترد کر دی۔درخواست مسترد ہونے کے بعد کہا   جا  رہا ہے کو مالیا کو ۲۸؍ دن کے اندر اندر ہندوستان کے حوالے کیا جا سکتا ہے۔
 اس کے بعد وجے مالیا کے پاس برطانیہ میں تقریبا تمام طرح کے قانونی متنادل ختم ہو چکے ہیں برطانیہ کی وزیر داخلہ پریتی پٹیل کو اس پر آخری فیصلہ کرنا ہے۔ اس سے پہلے لندن ہائی کورٹ نے بھی مالیا کی درخواست مسترد کر دی تھی۔  مالیا تقریباً ۴؍ سال سے ملک سے باہر ہے  اور اسے واپس لانے کی کوشش ہو رہی ہے۔