فضائی نگرانی کی نئی تعریف پیش کرنے کی طرف ایک اہم قدم اٹھاتے ہوئے راجندر چوڈانکر کی قیادت میں ممبئی میں قائم آر آر پی ڈرون انوویشنز پرائیویٹ لمیٹڈ نے متحدہ عرب امارات میں قائم ٹیکنالوجی لیڈر مائیکروویا کے ساتھ اسٹریٹجک شراکت کا اعلان کیا۔

فضائی نگرانی کی نئی تعریف پیش کرنے کی طرف ایک اہم قدم اٹھاتے ہوئے راجندر چوڈانکر کی قیادت میں ممبئی میں قائم آر آر پی ڈرون انوویشنز پرائیویٹ لمیٹڈ نے متحدہ عرب امارات میں قائم ٹیکنالوجی لیڈر مائیکروویا کے ساتھ اسٹریٹجک شراکت کا اعلان کیا۔ ایک ساتھ مل کر وہ جدید ’ڈرون اِن اے باکس‘حل متعارف کروائیں گےجو کہ فوجی آپریشن سے لے کر شہری استعمال تک مختلف ایپلی کیشنز کیلئے ڈیزائن کیا گیا ہے۔ 
 میک ان انڈیا پہل کے تحت تیار کی گئی یہ جدید ترین ٹیکنالوجی مختلف اونچائیوں، ماحول اور موسمی حالات میں ۲۴؍ گھنٹے نگرانی کی بے مثال صلاحیتوں کامظاہرہ کرتی ہے۔ یہ ہندوستان کی مسلح افواج اور شہری شعبوں کی آپریشنل کارکردگی کو نمایاں طور پر بڑھانے کیلئے تیار ہے۔ اس کے لانچ کا پروگرام آر آر پی ڈرونس انوویشنز پرائیویٹ لمیٹڈ ہیڈ کوارٹر نوی ممبئی میں منعقد کیا گیا ہے۔ شرا کت کی باضابطہ طور پر آر آر پی ڈرونس انوویشنز پرائیویٹ لمیٹڈ کے چیئرمین اور مائکروویا کے سی ای او ( اینریک پلازہ بیز) کی جانب سے مفاہمت کی یادداشت (ایم او یو) پر دستخط کے ساتھ تصدیق کی گئی۔ ڈاکٹر ہرشدیپ کامبلے، آئی اے ایس، پرنسپل سکریٹری، محکمہ صنعت، حکومت مہاراشٹر اس پروگرام میں مہمان خصوصی کے طور پر موجود تھے۔ اس پروگرام میں شامل ہونے والوں نے ’ڈرون اِن اے باکس‘ حل کا لائیو مظاہرہ بھی دیکھا، جس میں اس کی جدید خصوصیات اور صلاحیتوں کی نمائش کی گئی۔ یہ معاہدہ ڈرون ٹیکنالوجی میں ایک نیا معیار قائم کرے گا، اور ہندوستان کی نگرانی کی صلاحیتوں کو نئی بلندیوں تک لے جائے گا۔