امریکہ کے بالٹیمور میں ایک جہاز کے پل سے ٹکراجانے سے جس میں چھ مزدور جاں بحق ہوگئے تھے، اس میں ہوئے نقصان کی تلافی کیلئے اس کی ذمہ دار کمپنی کے ساتھ محکمہ انصاف کے تصفیہ کی صورت میں ۱۰۰؍ ملین ڈالر ہرجانے کا معاہدہ ہو گیا ہے، اس میں پل کی تعمیر کیلئے میری لینڈ حکام کے اخراجات کا دعوی اور اس حادثہ میں جاں بحق ہونے والے متاثرین کے اہل خانہ کے دعوے شامل نہیں ہیں۔

امریکی محکمہ انصاف نے جمعرات کو کہا کہ بالٹی مور پل کو تباہ کرنے والے کارگو جہاز کے سنگاپوری مالک اور آپریٹر کے ساتھ ۱۰۰؍ ملین ڈالر کے معاوضے کا سمجھوتہ ہوچکا ہے۔ ۱۰۰۰؍ فٹ لمبے ایم وی ڈالی مارچ کی علی الصبح فرانسس اسکاٹ کےپل سے ٹکرا گیا تھا ، جس سےپل پر کام کر رہے چھ کارکن ہلاک ہو گئے اور مصروف جہاز رانی کا راستہ بند ہو گیا تھا۔محکمہ انصاف نے مزید کہا کہ گریس اوشین پرائیویٹ لمیٹڈ اور سینرجی میرین پرائیویٹ لمیٹڈ نے اس حادثہ کیلئے ۱ء۱۰۱؍  ملین ڈالر کے ہرجانے پر اتفاق کر لیا ہے۔جس میں پل کے ٹنوں ملبے کو ہٹانے کے اخراجات شامل ہیں۔ 

The Baltimore bridge collapsed because it got hit by container ship. What failed first?

It appears the bow of the ship made contact with the vertical columns that supported the truss superstructure, causing it to have a cascade failure.

3/xpic.twitter.com/qhOlEPPP1j

— Matt Dursh (@MattDursh) March 26, 2024

محکمہ انصاف کے مطابق حالیہ تاریخ کے بد ترین جہاز حادثہ جس میں چھ کارکن جاں بحق ہوگئے تھے ۔یہ تصفیہ یہ ظاہر کرتا ہے کہ وفاقی حکومت کے ذریعے صاف صفائی کو انجام دینے کے اخراجات کمپنی برداشت کرے گی نہ کہ امریکی ٹیکس دہندگان ۔محکمہ نے یہ بھی کہا کہ اس پل کی دوبارہ تعمیر کے لئےمیری لینڈ کے ذریعے دعویٰ کئے گئے اخراجات اس میں شامل نہیں ہیں۔ جبکہ اس میں ہلاک ہونے والے چھ مزدوروں کے اہل خانہ علاحدہ مقدمہ لڑ رہے ہیں۔
واضح رہے کہ بالٹی مور آٹو صنعت کیلئے ایک مرکز کی حیثیت رکھتا ہے۔۱۰؍ جون کو کاروباری آمد ورفت کیلئے دوبارہ کھول دیا گیا۔