۳۰؍ دسمبر کو میرٹھ، اترپردیش کے ایک اسپتال میں ۴۲؍ سالہ شاہدین کی موت ہوگئی۔ مرادآباد کے ماجھولا علاقے میں شاہدین کو گئورکشکوں نے بری طرح ماراپیٹا جس کے بعد زخموں کی تاب نہ لاکر ان کی موت ہوگئی۔

۳۰؍ دسمبر کو میرٹھ،اترپردیش کے ایک اسپتال میں ۴۲؍ سالہ شاہدین کی ہجوم کے ذریعے جارحانہ طریقے سے مارنے پیٹنے کی وجہ سے موت ہوگئی۔ ہجوم نے انہیں گائے کے ذبیحہ کے الزام میں مارا پیٹا تھا جس کی وجہ سے ان کی موت ہوگئی ہے۔ یہ واردات اترپردیش کے مرادآباد کے ماجھولا تھانے علاقے میں منڈی کمیٹی کے قریب ایک قصبے میں منڈی سمیتی کے اطراف میں پیش آئی تھی۔ 

मुरादाबाद में भीड़ ने गोकशी के आरोप में सोमवार को ‘शाहेदीन’ नामी व्यक्ति को पीट-पीट कर अधमरा कर दिया था। आज सवेरे अस्पताल में शाहेदीन की मौत हो गई है। pic.twitter.com/mY7SDUCRHE

— MD zishan 🇦🇪 (@mdzishan0786) December 31, 2024

شاہدین کے بھائی کے ذریعے داخل کی گئی شکایت کے مطابق پیر کو کچھ افراد نے ان کے بھائی پرحملہ کیا تھا جس کی وجہ سے انہیں شدید زخم آئے تھے۔ بعدازیں شاہدین زخموں کی تاب نہ لاسکے اور ان کی موت ہوگئی۔ یہ واردات اتوار کی رات اس وقت پیش آئی تھی جب ایک گروپ اندھیرے میں بیل کے جیسے نظرآنے والے جانور کی ذبیحہ کی تیاری کر رہے تھے۔ تبھی کچھ لوگ وہاں جمع ہوگئے اور انہوں نے ملزمین کو ڈرایا دھمکایا۔ ان میں سے تین ملزمین بھاگنے میں کامیاب ہوگئے تھے جبکہ شاہدین کو گروپ نے پکڑ لیا اور انہوں نے اسے گائے کے ذبیحہ کے الزام میں بری طرح مارا پیٹا۔ 

یہ بھی پڑھئے: گزشتہ اصلاحات کو آئندہ بجٹ میں بھی شامل کیا جائے

پولیس شاہدین کو ضلعی اسپتال لے گئی تھی جہاں زخموں کی تاب نہ لاکر اس کی موت ہوگئی ہے۔ پولیس نے شاہدین کے بھائیوں کی شکایت پر ملزمین کے خلاف غیر ارادی طور پر قتل کا کیس درج کیا ہے۔ پولیس نے شاہدین اور اس کے ساتھیوں کے خلاف گائے کے ذبیحہ کے الزامات درج کئے ہیں۔ شہر کے ایس پی رن وجے سنگھ نے کیس کی تصدیق کی اور کہا کہ شاہدین کی موت کے بعد علاقےمیںتناؤ پھیل گیا ہے۔ پولیس نے شاہدین کی لاش کوپوسٹ مارٹم کیلئے بھیج دیا ہے جبکہ علاقے میں امن قائم رکھنے کیلئے بھاری پولیس فورس تعینات ہے۔ حکام نے شہریوں سے پر امن رہنے کی اپیل کی ہے اور کہا ہے کہ وہ کسی بھی طرح کی افواہوں پر یقین نہ کریں۔