کولمبیا یونیورسٹی کے طلبہ کے احتجاج اور انہیں حراست میں لئے جانے کے بعد امریکہ کی متعدد یونیورسٹی کے طلبہ نے فلسطینی حامی احتجاج کا انعقاد کیا اور ان کمپنیوں سے علیحدگی کا مطالبہ کیا جو غزہ میں نسل کشی اور اسرائیلی قبضے میں ملوث ہیں۔ ماہر تعلیم اور اسکالرز نے کولمبیا یونیورسٹی کے مظاہرین طلبہ کے خلاف کارروائی کا بائیکاٹ کیا ہے جبکہ پولیس نے نیویارک یونیورسٹی کے طلبہ کو بھی حراست میں لیا ہے۔

امریکہ کی متعددیونیورسٹیوں کے طلبہ نے فلسطینی حامی احتجاج کا انعقاد کیا اور ان کمپنیوں سے علیحدگی کا مطالبہ کیا جو غزہ میں نسل کشی اور فلسطینی سرزمین پر اسرائیلی قبضے میں ملوث ہیں۔ خیال رہے کہ کولمبیا یونیورسٹی کےمتعدد طلبہ کی معطلی اور انہیں حراست میں لئے جانے کے بعد آئیوی لیگ انسٹی ٹیوشن کے طلبہ بڑے پیمانے پر احتجاج کیلئے جمع ہوئے ہیں۔ 

Columbia University’s president announced Monday classes would be held virtually “to deescalate the rancor and give us all a chance to consider next steps,” as a pro-Palestine protest enters its sixth day on campus. The university initially said it would offer a remote learning… pic.twitter.com/3cjn8wqglF

— CBS News (@CBSNews) April 22, 2024

یالے اور کولمبیا یونیورسٹی میں کریک ڈاؤن کے بعد پولیس نے نیویارک یونیورسٹی کے مظاہرین طلبہ اور عملے کو بھی حراست میں لیا ہے۔ماہر تعلیم اور اسکالرز نے کولمبیا یونیورسٹی کے مظاہرین طلبہ کے خلاف یونیورسٹی کی پالیسی کا بائیکاٹ کرنے کا اعلان کیا ہے۔

.@Yale students continue seventh day of hunger strike in protest against university funds being used to support companies selling arms to genocidal Israel. The movement for justice and accountability is growing and spreading across university campuses in the US and beyond,… pic.twitter.com/qC0O1mLcOY

— Husam Zomlot (@hzomlot) April 20, 2024

مڈل ایسٹ آئی کے مطابق میسا چوسٹس انسٹی ٹیوٹ آف ٹیکنالوجی(ایم آئی ٹی ) ، بوسٹن میں ٹفٹس اور ایمرسن،  نیویارک شہر میں نیویارک یونیورسٹی اور دی نیو اسکول، نیش وِل، ٹینیسی میں وینڈربلٹ،  کنیکٹیکٹ میں ییل یونیورسٹی،  یونیورسٹی آف کیلیفورنیا، برکلے، مشی گن یونیورسٹی،  سینٹ لوئس میں واشنگٹن یونیورسٹی اور چیپل ہل میں یونیورسٹی آف نارتھ کیرولیناکے کیمپس میں طلبہ نے خیمے لگائے ہیں۔

یہ بھی پڑھئے: اسدالدین اویسی کے سامنے ان کے بھائی اکبرالدین اویسی نے بھی پرچہ نامزدگی داخل کیا

واضح رہے کہ اب تک غزہ میں اسرائیلی جارحیت کے نتیجے میں ۳۴؍ ہزار طلبہ جاں بحق ہوئے ہیں جن میں ۱۵؍ ہزار بچےہیں۔کولمبیا یونیورسٹی کے صدرمنوچے شفیق نے اپنے بیان میں کہا کہ اس تشدد کو ختم کرنے اور آگے کی حکمت عملی کے بارے میں سوچنے کیلئے تمام کلاسیز کو ورچوئل کرنے کا فیصلہ کیا گیا ہے۔
 فلسطین کی حمایت میں احتجاج کرنے کیلئے کولمبیا یونیورسٹی کے ۱۰۸؍ طلبہ کو جمعرات کو حراست میں لیا گیا تھا جبکہ برنارڈ کالج اور یونیورسٹی کے  ۸۵؍ طلبہ کو معطل کیا گیا ہے۔ یالے یونیورسٹی کے ۴۷؍ طلبہ کو پولیس نے حراست میں لیا ہے۔