اہلکاروں نے بتایا کہ اتراکھنڈ کے بدری ناتھ قومی شاہراہ پر دریائے الیکنندہ میں ایک ٹیمپو کے حادثہ کا شکار ہونے کے بعد ۱۰؍ سیاح ہلاک ہوئے ہیں جبکہ ۱۳؍ زخمی ہیں۔ وزیراعظم نریندر مودی، صدر جمہوریہ دروپدی مرمو اور وزیر داخلہ امیت شاہ نے حادثے پر اظہار افسوس کیا ہے۔ زخمیوں کو علاج کیلئے اسپتال منتقل کیا گیا ہے۔

اہلکاروں نے بتایا کہ بدری ناتھ قومی شاہراہ پر دریائےالیکنندہ میں ایک ٹیمپو کے پھنسل کے گرنے کے سبب ۱۰؍ سیاح ہلاک ہوئے ہیں جبکہ ۱۳؍ زخمی ہوئے ہیں۔ گڑھوال کے انسپکٹر جنرل آف پولیس کے ایس ناگنیال اس حادثے کے متاثرین سیاح ہیں ۔ یہ حادثہ اس وقت پیش آیا جب وہ چوپٹا کا دورہ کرنے جا رہے تھے۔ 

دریا کے کنارے حادثے کے بعد گاڑی کی حالت دیکھی جا سکتی ہے۔ تصویر: ایکس
ناگنیال نے مزید کہا کہ ’’گاڑی میں ۲۶؍ افراد تھے اور وہ تمام دہلی کےرہائشی تھے۔ ۱۰؍ افراد حادثے کے نتیجے میں ہلاک ہوئے ہیں۔‘‘ وزیر اعلیٰ پشکر سنگھ دھامی کی ہدایات کے بعد ۷؍ زخمیوں کو ایمس اسپتال منتقل کیا گیا ہے جبکہ ۶؍ زخمی رودرپریاگ ضلع اسپتال میں زیر علاج ہیں۔‘‘
ضلعی ڈیزاسٹرمینجمنٹ آفیسر نے کہا کہ یہ حادثہ آج صبح ۱۱؍ بجے پیش آیا تھا اور حادثےکی اطلاع ملتے ہی پولیس اور ایس ڈی آر ایف کی ٹیمیں جائے حادثہ پر پہنچ گئی تھیں۔ انہون نے مزیدکہا کہ گاڑی سڑک سے ۲۵۰؍میٹر نیچے دریائے الیکنندہ کے کنارے گری تھی۔ 

وزیر اعلیٰ پشکر سنگھ دھامی زخمیوں کا علاج کرتے ہوئے۔ تصویر: ایکس

उत्तराखंड के रुद्रप्रयाग में हुआ सड़क हादसा हृदयविदारक है। इसमें अपने प्रियजनों को खोने वाले शोकाकुल परिजनों के प्रति मेरी गहरी संवेदनाएं। इसके साथ ही मैं सभी घायलों के शीघ्र स्वस्थ होने की कामना करता हूं। राज्य सरकार की देखरेख में स्थानीय प्रशासन पीड़ितों की हरसंभव मदद में जुटा…

— PMO India (@PMOIndia) June 15, 2024

وزیر اعظم نریندر مودی نے بھی حادثے پر اظہار افسوس کیا ہے اور اسے ’’دل دہلا دینے والا ‘‘ قرار دیا ہے۔ انہوں نے اپنے ایکس پوسٹ میں لکھا ہے کہ ’’اتراکھنڈ میں پیش آنے والے اس حادثے پر کافی افسوس ہے۔ میں مہلوکین سے اظہار تعزیت کرتا ہوں اور زخمیوں کی جلد صحت یابی کیلئے دعا گو ہوں۔ ریاستی حکومت کی نگرانی میں مقامی انتظامیہ متاثرین کی ممکنہ مددفراہم کرنے کی کوشش کر رہی ہے۔‘‘ 

रुद्रप्रयाग, उत्तराखंड में एक सड़क दुर्घटना में अनेक लोगों की मृत्यु होने का समाचार दुखद है। मैं शोक संतप्त परिवारजनों के प्रति गहन संवेदना व्यक्त करती हूं और घायल हुए लोगों के शीघ्र स्वस्थ होने की कामना करती हूं।

— President of India (@rashtrapatibhvn) June 15, 2024

صدر جمہوریہ دروپدی مرمو نے بھی حادثے کے سبب جانوں کے ضیاع پر اظہار افسوس کیا اور زخمیوں کی جلد صحت یابی کیلئے نیک خواہشات کا اظہار کیا۔ مرمو نے اپنے ایکس پوسٹ میں حادثے کے تعلق سے لکھا کہ ’’اتراکھنڈ میں پیش آنے والا یہ حادثہ افسوس ناک ہے۔ میں لواحقین سے اظہار تعزیت کرتی ہوں اور زخمیوں کی جلد صحت یابی کیلئے دعا گو ہوں۔‘‘ 

उत्तराखंड के रुद्रप्रयाग में हुई सड़क दुर्घटना का दु:खद समाचार प्राप्त हुआ। मेरी संवेदनाएँ इस हादसे में जान गँवाने वालों के परिजनों के साथ हैं। स्थानीय प्रशासन और SDRF की टीमें राहत व बचाव कार्य में जुटी हैं और घायलों को हर सम्भव सहायता उपलब्ध कराई जा रही है। ईश्वर से घायलों के…

— Amit Shah (@AmitShah) June 15, 2024

وزیر داخلہ امیت شاہ نے بھی حادثے کے تعلق سے اظہارافسوس کیا اور لواحقین کو اظہار تعزیت پیش  کیا۔