آج وارانسی ضلعی عدالت نے گیان واپی مسجد کے تہہ خانے کی چابی ضلعی مجسٹریٹ کو سونپنے کا حکم جاری کیا ہے۔ خیال رہے کہ حال ہی میں مسجد کا اے ایس آئی سروے بھی مکمل کیا گیا ہے جس کی رپورٹ پر فیصلہ ابھی باقی ہے۔

آج ضلعی عدالت نے حکم جاری کیا ہے کہ گیان واپی مسجد کے تہہ خانے کی چاپی ضلعی مجسٹریٹ کے حوالے کر دی جائے۔ خیال رہے کہ گیان واپی مسجد کے تہہ خانے کو ویاس جی کا تہہ خانہ کہتے ہیں۔ اس ضمن میں ضلعی عدالت کے جج اے کے وشویش نے کہا کہ تہہ خانے کی مکمل حفاظت کرنے کی ضرورت ہے۔ اس لئے تہہ خانے کی ذمہ داری ضلعی مجسٹریٹ کو سونپی جا رہی ہے۔ 
قبل ازیں مجسٹریٹ نے اس سے پہلے کہا تھا کہ ۱۹۹۳ میں تہہ خانے کو لاک کیا گیا تھا۔ اس سے پہلے سومناتھ ویاس تہہ خانے کو عبادت گاہ کے طور پر استعمال کرتے تھے۔ خیال رہے کہ گیان واپی مسجد کا اے ایس آئی سروے بھی کیا گیا ہے۔ اے ایس آئی نے سروے مکمل کرنے کے بعد کورٹ کو رپورٹ پیش کی تھی جس پر فیصلہ سنانا اب تک باقی ہے۔