ویتنا م کے قد آور لیڈر اور ویتنام کمیونسٹ پارٹی کے سربراہ گیوینفوٹرونگ کا ۸۰؍ سال کی عمر میں انتقال ہو گیا۔ وہ ایک دہائی سے ویتنام کی سیاست میں مرکزی کردار ادا کر رہے تھے۔ ان کے دورحکومت میں کمیونسٹ پارٹی کوکافی تقویت حاصل ہوئی۔

ویتنا م کے قد آور لیڈر اور ویتنام کمیونسٹ پارٹی کے سربراہ گیوینفوٹرونگ کا ۸۰؍ سال کی عمر میں انتقال ہو گیا ،گیوینفوٹرونگ حکمراں کمیونسٹ پارٹی کے جنرل سیکریٹری اور ملک کے انتہائی بآثر لیڈر تھے ۔سرکاری میڈیا کے مطابق ایک مہینے کی علالت کے بعد ان کا انتقال ہو گیا۔نیہان دان اخبار کے مطابق’’ پارٹی کی مرکزی کمیٹی کے جنرل سیکریٹری گیوینفوٹرونگ۱۹؍ جولائی ۲۰۲۴ء کو ۱۰۸؍ مرکزی فوجی اسپتال میں طویل عمری اور خطرناک بیماریوں سے متاثر ہونے کےسبب جمعہ کو انتقال کر گئے۔‘‘ 
گیوینفوٹرونگ نےپارٹی کے سربراہ بننے کے بعد ۲۰۱۱ءسے ویتنام کی سیاست میں کلیدی مقام حاصل کر لیا۔ ان کے دور حکومت میں ویتنام کی ایک پارٹی نظام میں کمیونسٹ پارٹی کو تقویت حاصل ہوئی۔ ایک دہائی قبل حکومت ملنے کے بعد انہیں ویتنام کی سیاست میں مرکزی مقام حاصل ہو گیا، اقتدار کی طاقت کا پلڑا ان کے قیادت والے شعبے کی جانب جھکا ہوا تھا۔