ہریانہ کی سروکھپ پنچایت نے خاتون پہلوان ونیش پھوگاٹ کو گولڈ میڈل سے نوازا ہے۔ ونیش پھوگاٹ نےاس موقع پر کہا کہ ’’پیرس اولمپکس میں نااہل قرار دیئے جانے کے بعد میں خود کو بدقسمت محسوس کر رہی تھی لیکن اپنے وطن لوٹنے کے بعد والہانہ استقبال، لوگوں کی محبت اور تعاون کو دیکھنے کے بعد میں اپنے آپ کو سب سے زیادہ خوش قسمت محسوس کررہی ہوں۔‘‘

ہریانہ کی سروکھپ پنچایت نے خاتون پہلوان ونیش پھوگاٹ کو ۲۵؍ اگست کو ان کی سالگرہ کے موقع پر گولڈ میڈل سے نوازا ہے۔ ونیش پھوگاٹ نے اس پرمسرت موقع پر امسال پیرس اولمپکس میں نااہل قرار دیئے جانے کے وقت کو یاد کرتے ہوئے کہا کہ ان کا سب کچھ تباہ ہو گیا تھا لیکن ہندوستان لوٹنے پر ان کے شاندار استقبال کے بعد وہ خود کو خوش قسمت محسوس کر رہی ہیں۔

They literally made Gold medal for Vinesh Phogat from pure gold ! WOWW 👏🏻🔥 pic.twitter.com/I2AN6dM7Zo

— samia ♡ (@s_sammm0) August 25, 2024

انہوں نے مزید کہا کہ ’’میری جنگ یہی پر ختم نہیں ہوئی، میری جنگ تو ابھی شروع ہوئی ہے۔ ہماری بیٹیوں کی عزت کیلئے ہماری لڑائی ابھی شروع ہوئی ہے۔ ہم نے اپنے احتجاج کے دوران بھی یہی کہا تھا۔ پیرس اولمپکس میں مجھے نااہل قرار دیا گیا تو میں اپنے آپ کو بدقسمت محسوس کرتی تھی۔ اپنے وطن لوٹنے کے بعد لوگوں کی محبت اور تعاون ملنے کے بعد میں نے محسوس کیا کہ میں خوش قسمت ہوں۔ میں اس اعزاز کیلئے ہمیشہ احسان مند رہوں گی جو میرے لئے کسی بھی میڈل سے بہت زیادہ ہے۔‘‘ 

खाप पंचायत ने विनेश फोगाट को Gold Medal 🥇 दिया है जो ओलंपिक मेडल से बेहतर है !! pic.twitter.com/L63QALkmNw

— Priyanka Mourya Bpsc aspirant (@Priyank232332) August 25, 2024

خیال رہے کہ پیرس اولمپکس میں نااہل قرار دیئے جانے کے بعد پھوگاٹ نے کورٹ آف آربیٹریشن (سی اے ایس) میں انٹرنیشنل اولمپکس کمیٹی (آئی او سی) اور یونائیٹیڈ ورلڈ ورسلنگ (یو ڈبلیو ڈبلیوایس) کے فیصلے کے خلاف اپیل کی تھی۔

#विनेश_फोगाट को खाप पंचायत ने गोल्ड मेडल दिया है। यह गोल्ड मेडल उस ओलंपिक वाले गोल्ड मेडल से बेहतर है क्योंकि
उस गोल्ड मेडल में सोने की कुछ ही मात्रा रहती है जबकि यह पूरा शुद्ध सोने से बना हुआ है#विनेश_फोगाट इस सम्मान की हकदार हैं .@DrKumarVishwas @Phogat_Vinesh @Olympics pic.twitter.com/NiynjxWX8P

— शिवम राजपूत (@shivamraj1995) August 25, 2024

تاہم، سی اے ایس نےایک ہفتے پر مبنی سماعت کے بعد ان کی عرضی مسترد کر دی تھی اور  ان کی تمام جدوجہد رائیگاں گئی تھی ۔بعد ازیں ونیش نے ایکس پر کشتی سے ریٹائرمنٹ کا اعلان کیا تھا۔