کولکاتا پولیس نے آرجی کر میڈیکل کالج میں ٹرینی ڈاکٹر کی عصمت دری اور قتل کے خلاف احتجاجی ریلی کے دوران ’’کشمیر مانگے آزادی‘‘ کا نعرہ لگانے والے افراد کے خلاف ایف آئی آر درج کی ہے۔ پولیس ملزمین کی شناخت کیلئے سی سی ٹی وی تصاویر کا جائزہ لے رہی ہے۔ٹی ایم سی نے اس واقعے کی مذمت کی ہے۔

کولکاتا پولیس نے جادوپور، کولکاتا میں احتجاجی ریلی کے دوران ’’کشمیر مانگے آزادی (کشمیر وانٹس فریڈم) کا نعرہ لگانے والے افراد کے خلاف قانونی کارروائی کی ہے۔ یہ ریلی منگل کو کولکاتا کے آرجی کر میڈیکل کالج میں ایک ٹرینی ڈاکٹر کی عصمت دری اور قتل کے خلاف نکالی گئی تھی۔ پولیس نے احتجاج کا ویڈیو وائرل ہونے کے بعد ایف آئی آر درج کی ہے۔

"Kashmir mange Azaadi" slogans were raised from a rally today seeking justice for the RG KAR victim doctor at kolkata`s Jadavpur 8B crossing.

Video courtesy: Sanjay Bhadra, Input Editor Zee 24 ghanta. pic.twitter.com/yIiir5DkJ9

— Sourav || সৌরভ (@Sourav_3294) September 29, 2024

اس ویڈیو میں متعدد مظاہرین کو نعرے لگاتے ہوئے دیکھا جاسکتا ہے۔ پولیس نے بھارتیہ نیائے سنہتا (بی این ایس) کے سیکشن ۱۵۲؍ اور ۲۸۵؍ کے تحت کیس درج کیا ہے۔  ڈاکٹر کی عصمت دری اور قتل کے خلاف احتجاجی ریلی کے دوران اس طرح کے نعروں نے تنازع کھڑا کیا ہے۔ ان نعروں کا مطلب حقیقی مقصد کے بجائے جموں کشمیر کے تنازع کی جانب توجہ مرکوز کرنا تھا۔ کولکاتا پولیس سی سی ٹی وی تصاویر کا جائزہ لے رہی ہے تا کہ نعروں کیلئے ذمہ دار افراد کی شناخت کی جاسکے اور اس ریلی کا انعقاد کرنے والوں سے بھی جانچ پڑتال کی جائے گی۔

وقف ترمیمی بل کسی صورت میں قبول نہیں ہے، اس کے خلاف ملک بھر میں احتجاج کیا جائے گا

اس ضمن میں ترنمول کانگریس پارٹی (ٹی ایم سی) بنگال نے اس واقعے کی مذمت کی ہے۔ پارٹی کے ترجمان کنال گھوش نے کہا ہے کہ ’’ہم اس کی حمایت نہیں کرتے بلکہ اس کی مذمت کرتے ہیں۔ کشمیر ہمارا ہے اور ہندوستان کا حصہ ہے۔ ہم آرجی کر میڈیکل کالج کے معاملے کے دوران اس حرکت کی سخت مذمت کرتے ہیں۔‘‘