اقوام متحدہ کے سیکریٹری جنرل انتونیو غطریس نے گزشتہ دن کہا کہ لبنان اور اسرائیل میں بڑھتی کشیدگی کو فوری طور پر حل کیا جانا چاہئے۔ نہ صرف خطہ بلکہ دنیا کے شہری، لبنان کو دوسرا غزہ بننے دینے کے متحمل نہیں ہوسکتے۔ فوجی آپریشن سے جنگ ختم نہیں کی جاسکتی۔

اقوام متحدہ کے سیکریٹری جنرل انتونیو غطریس نے کہا ہے کہ انہیں اسرائیل اور لبنان کی جنگجو تنظیم حزب اللہ کے درمیان بڑھتی ہوئی کشیدگی پر گہری تشویش ہے اور اقوام متحدہ کا محکمہ امن صورتحال کو پرسکون کرنے کیلئےکام کررہا ہے۔ انہوں نے جمعہ کو بتایا کہ ’’جلدی میں کیا گیا ایک فیصلہ، ایک غلط تخمینہ، ایک ایسی تباہی کو جنم دے سکتا ہے جو سرحدوں سے پرے بڑے پیمانے پر تباہی کا باعث بن سکتا ہے۔ اس بات کو واضح کیا جاتا ہے کہ، خطے (عرب) کے لوگ اور دنیا کے لوگ لبنان کو ایک اور غزہ بننے کے متحمل نہیں ہو سکتے۔‘‘

Further escalation between Israel & Hezbollah will only guarantee more suffering & devastation to communities in Lebanon & Israel.

And more potentially catastrophic consequences for the region & the world.

It is time for reason & rationality. pic.twitter.com/vVlsQ2LX5S

— António Guterres (@antonioguterres) June 21, 2024

واضح رہے کہ اکتوبر میں غزہ جنگ شروع ہونے کے بعد سے حزب اللہ اپنے فلسطینی مزاحمتی گروپ حماس کے ساتھ اظہار یکجہتی کیلئے اسرائیل پر راکٹ فائر کر رہا ہے۔ جنوبی لبنان میں اسرائیلی حملوں کے بعد دسیوں ہزار لبنانی اپنے گھر بار چھوڑ چکے ہیں۔ اسی طرح اسرائیلی بھی محفوظ مقامات کی طرف منتقل ہورہے ہیں اور بنجامن نیتن یاہو سے مطالبہ کررہے ہیں کہ وہ جنگ کو روکنے کیلئے ٹھوس اقدامات کریں۔
اقوام متحدہ میں ایران کے مشن نے جمعہ کوکہا کہ حزب اللہ، اسرائیل کے خلاف اپنے اور لبنان کا دفاع کرنے کی صلاحیت رکھتا ہے، اور خبردار کیا کہ شاید اسرائیل حکومت کی خود ساختہ تباہی کا وقت آ گیا ہے۔ ایران کے اقوام متحدہ کے مشن نے ایکس پر پوسٹ کیا کہ ’’قابض اسرائیلی حکومت کی طرف سے خود کو بچانے کیلئے کوئی بھی غلط فیصلہ خطے کو ایک نئی جنگ میں جھونک سکتا ہے۔‘‘

Any imprudent decision by the occupying Israeli regime to save itself could plunge the region into a new war, the consequence of which would be the destruction of Lebanon`s infrastructure as well as that of the 1948 occupied territories. Undoubtedly, this war will have one…

— I.R.IRAN Mission to UN, NY (@Iran_UN) June 21, 2024

اقوام متحدہ کی امن فوج یو این آئی فل (یو این آئی ایف آئی ایل) نیز غیر مسلح تکنیکی مبصرین جو یو این ٹی ایس او کے نام سے جانا جاتا ہے، طویل عرصے سے جنوبی لبنان میں تعینات ہیں تاکہ لبنان اور اسرائیل کے درمیان حد بندی کی لکیر کے ساتھ دشمنی کی نگرانی کریں، جسے بلیو لائن کہا جاتا ہے۔ غطریس نے کہا کہ ’’اقوام متحدہ کا امن دستہ کشیدگی کو کم کرنے اور غلط حساب کتاب کو روکنے کیلئے کام کر رہا ہے۔ دنیا کو بلند آواز اور واضح طور پر کہنا چاہئے کہ : فوری طور پر کشیدگی میں کمی لائی جائے، کیونکہ یہ ضروری ہے۔ کشیدگی کم کرنے کا کوئی فوجی حل نہیں ہے۔‘‘