یمن کے حوثیوں نے اپنی کارروائیوں میں ۲۰۰؍ملین ڈالر سے زیادہ مالیت کے ۷؍ امریکی ریپر ڈرونز مار گرائے ہیں۔ قطری نشریاتی ادارے کی خبر کے مطابق یہ امریکہ کی جانب سے حوثیوں کے خلاف حالیہ کارروائیوں میں اہم نقصان ہے۔ 

 یمن کے حوثیوں نے اپنی کارروائیوں میں ۲۰۰؍ملین ڈالر سے زیادہ مالیت کے ۷؍ امریکی ریپر ڈرونز مار گرائے ہیں۔ قطری نشریاتی ادارے کی خبر کے مطابق یہ امریکہ کی جانب سے حوثیوں کے خلاف حالیہ کارروائیوں میں اہم نقصان ہے۔ 
 دفاعی حکام کے مطابق حوثیوں کی جانب سے یہ ڈرون امریکی جنگی طیاروں کو نشانہ بنانے کی کارروائیوں کے دوران ۳۱؍مارچ سے۲۲؍ اپریل کے درمیان مار گرائے گئے۔ صرف پچھلے ایک ہفتے میں ۳؍ امریکی ڈرون تباہ کئے گئے جو حوثیوں کی طرف سے جدید امریکی طیاروں کو نشانہ بنانے کی صلاحیت کا اشارہ ہے۔ واضح رہے کہ ایک امریکی ڈرون کی قیمت تقریباً ۳۰؍ ملین ڈالرس ہے۔ خبر رساں ایجنسی اے پی کے مطابق ۳۱؍ مارچ، ۳، ۹، ۱۳، ۱۸، ۱۹؍ اور ۲۲؍ اپریل کو ڈرون تباہ کئے گئے۔ 
 یاد رہے کہ امریکی صدر ٹرمپ کی جانب سے حوثیوں کے خلاف روزانہ کارروائی کے حکم کے بعد۱۵؍ مارچ سے یمن میں حوثیوں کے زیر کنٹرول علاقوں میں درجنوں شہریوں کی ہلاکت کی اطلاع ہے۔ 
 سینٹرل کمانڈ کے ترجمان ڈیو ایسٹ برن نے گزشتہ روز بتایا کہ امریکی افواج نے یمن میں ۸۰۰؍ سے زیادہ اہداف کو نشانہ بنایا، کمانڈ سینٹرز، ہتھیاروں کے ڈپو اور دفاعی نظام کو تباہ کیا جبکہ سیکڑوں حوثی جنگجوؤں اورلیڈروں کو جاں بحق ہوئے۔ تاہم ان کے اس دعوے کی آزادانہ طور پر تصدیق نہیں ہو سکی۔ 
 ایک اور امریکی عہدیدار نے شناخت ظاہر نہ کرنے کی شرط پر بتایا کہ ڈرون کے نقصانات کی تحقیقات جاری ہے لیکن امکان ہے یہ دشمنی کی آگ کا نتیجہ ہے۔ 
 یاد رہے کہ حوثیوں نے غزہ پر اسرائیل کی جارحیت کے خلاف احتجاجاً آبنائے باب المندب سے گزرنے والے اسرائیلی، امریکی اور برطانوی بحری جہازوں کو نشانہ بنایا ہے۔ ان کا کہنا ہے کہ اگر اسرائیل مستقل جنگ بندی پر راضی ہو جائے تووہ حملے بند کر دیں گے۔