تاج محل کی خوبصورتی پر فدا ہونے والے امریکی صدر ڈونالڈ ٹرمپ نے کہا کہ یہ ہندوستان کی خوشحال اور متنوع ثقافت کا نمونہ ہے۔ ہندوستان کے دو روزہ دورے کے تحت پیر کو آگرہ پہنچے ٹرمپ نے اپنے اہل خانہ کے ساتھ ایک گھنٹہ تاج محل کے احاطے میں گذارا۔ٹرمپ بیوی ملینیا کا ہاتھ تھامے گائڈ سے انمول ورثے کے بارے میں معلومات حاصل کر رہے تھے۔ وہیں ان کی بیٹی اور صلاح کار ایوانکا اپنے شوہر جیریڈ کشر نر کے ساتھ تاج کی خوبصورتی کو دزدیدہ نگاہوں سے دیکھ رہی تھے۔اس درمیان انہوں نے اپنے فون سے کئی فوٹوز بھی لئے۔تاج محل پہنچ کر ٹرمپ نے ویزیٹر بک میں اپنا پیغام لکھا’’تاج محل ہمیں متاثر اور حیران کرتا ہے۔اسے وقت میں قید کر کے نہیں رکھا جاسکتا تاج ہندوستان کے خوشحال اور متنوع تہذیب کا یہ جیتاجاگتا ثبوت ہے۔شکریہ ہندوستان۔‘‘اس سے قبل ہند۔امریکہ کے رشتوں میں مضبوطی فراہم کرنے کا اشارہ کرتے ہوئے ٹرمپ نے تاج محل میں داخلے سے قبل اپنے ٹوئٹ میں لکھا’’ امریکہ اور ہندوستان اپنے ممالک کو مضبوط بنائیں گے۔ اپنے لوگوں کو احترام فراہم کریں گے۔بڑے سپنے دیکھنے والوں کو اور بڑا بنائیں گے اور اپنا مستقبل پہلے سے کہیں زیادہ روشن بنائیں گے۔ یہ تو ابھی آغاز ہی ہے۔‘‘ٹرمپ کے ساتھ ان کی بیوی ملینیا ٹرمپ کے علاوہ بیٹی ایوانکا اور داماد جیریڈ بھی تاج کی خوبصورتی دیکھنے پہنچے تھے۔ اس سے قبل وہ احمد آباد بھی گئے تھے اوروہاں سابرمتی آشرم بھی دیکھا تھا۔ تمام تصاویر :پی ٹی آئی
