دھوپ سے بچنے کیلئے ممبئی باغ کے ایک حصہ میں پردہ لگانے کی وجہ سے جمعہ کی علی الصباح ناگپاڑہ پولیس نے خاتون مظاہرین کوزبردست زدوکوب کیا جس کی وجہ سے۷؍خواتین شدید طورپرزخمی ہوئی ہیں جبکہ تقریباً ۳۰؍خواتین کو معمولی چوٹیں آئی ہیں۔ چوٹ کی شدت سے ۲؍خواتین بے ہوش بھی ہوگئی تھیں۔ مذکورہ؍ خواتین کو علاج کےبعد نائر اسپتال سے ڈسچارج کردیاگیاہے۔ خاتون مظاہرین کے علاوہ عوام میں شدید برہمی ہے۔دوسری جانب پولیس کے اعلیٰ عہدیداران نے ممبئی باغ کےمظاہرین سےامن قائم رکھنےکی اپیل کی ہےاور خاطی پولیس اہلکاروں کے خلاف کارروائی کا یقین دلایاہے۔ تمام تصاویر: پی ٹی آئی اور انقلاب
ممبئی باغ کی ایک خاتون پولیس کی کارروائی کا شکار ہوگئی او ر اس کے پیر میں شدید چوٹ آئی ہے جسے پلاسٹر لگانا پڑاہے۔
ممبئی باغ میں ۲؍خاتون پولیس کی کارروائی کے باوجود وہاں ڈٹی ہوئی ہیں ۔ ان کی ہمت اور حوصلے کی سبھی تعریف کررہے ہیں۔
پولیس کی کارروائی کے باوجود خواتین ممبئی باغ میں ڈٹی ہوئی ہیں اور ترنگا لہراکر اپنے حوصلے اور عزم کا اظہار کررہی ہیں۔
ممبئی باغ کی خواتین کاحوصلہ اور عزم دیکھنے کے قابل ہے جو تقریباً ڈیڑھ ماہ سے سیاہ قوانین کے خلاف احتجاج کررہی ہیں۔
ناگپاڑہ کے قریب پولیس سیکوریٹی دیکھی جاسکتی ہے۔ اسی علاقے کے قریب ممبئی باغ واقع ہے۔
ناگپاڑہ میں مغرب کی نماز اداکی جارہی ہے اور یہ سبھی حضرات خواتین کے ساتھ یکجہتی کا اظہار کررہے ہیں۔
ناگپاڑہ علاقے میں جب خبرپھیلی کہ پولیس نے خواتین پر زدوکوب کیا ہےتوکئی افراد ناگپاڑہ پر جمع ہوگئے۔
جمعہ کی شام زیادہ سے زیادہ افراد نے ممبئی باغ کا رخ کیا اور یہ تصویر اسی موقع کی ہے۔
