ٹیم انڈیا کے آل راؤنڈر ٹی ۲۰؍ میں سب سے زیادہ چھکے لگانے اور سب سے زیادہ وکٹ لینے والے چوتھے ہندوستانی گیند باز بن گئے۔

ہندوستان کے اسٹار آل راؤنڈر ہاردک پانڈیا نے تجربہ کار بلے باز وراٹ کوہلی کو ٹی ۲۰؍ میں شکست دے دی۔ ہاردک کے پاس گوالیار میں بنگلہ دیش کے خلاف پہلےٹی ۲۰؍ میچ میں سب سے زیادہ چھکے لگانے کا ریکارڈ ہے۔ اس کے ساتھ ہی وہ ہندوستان کے چوتھے سب سے زیادہ وکٹ لینے والے گیند باز بن گئے ہیں۔ 
 ہاردک نے میچ کے دوران شاندار کارکردگی کا مظاہرہ کیا۔ پہلے بولنگ کرتے ہوئے انہوں نے اپنے ۴؍ اوورس میں ۶ء۵۰؍ کے اکنامی ریٹ سے ۲۶؍ رن دے کر ایک وکٹ حاصل کیا۔ بعد میں ۱۲۸؍ رن کے ہدف کا تعاقب کرتے ہوئے، ہاردک نے۱۶؍ گیندوں پر۵؍ چوکوں اور ۲؍ چھکوں کی مدد سے ناٹ آؤٹ ۳۹؍رن بنا کر شاندار کارکردگی کا مظاہرہ کیا۔ انہوں نے ۲۴۳ء۷۵؍ کے اسٹرائیک ریٹ سے رن بنائے۔ پانڈیا نے اپنی اننگز کے دوران کچھ بہترین شاٹس لگائے۔ اس میں وکٹ کیپر کے سر پر بغیر نظر آنے والا ریمپ شاٹ بھی شامل تھا۔ آل راؤنڈر نے شاٹس کھیلتے ہوئے اپنے دستخطی اعتماد کا مظاہرہ کیا، اپنی طاقت اور بلے پر اتنا اعتماد تھا کہ انہیں معلوم تھا کہ گیند کسی نہ کسی طرح باؤنڈری کی طرف جا رہی ہے۔ 
 اب ہاردک نےٹی ۲۰؍ انٹر نیشنل میچوں میں کل ۵؍ چھکے لگا کر ہندوستان کیلئے میچ ختم کر لیا ہے اور وراٹ کے ۴؍ بار ایسا کرنے کے پچھلے ریکارڈ کو پیچھے چھوڑ دیا ہے۔ اپنے ایک وکٹ کے ساتھ، پانڈیا (۸۷؍ وکٹ) نے تیز گیند باز ارشدیپ سنگھ (۸۶؍ وکٹ) کو پیچھے چھوڑ دیا اور مختصر ترین فارمیٹ میں ہندوستان کے چوتھے سب سے زیادہ وکٹ لینے والے بولر بن گئے۔ ہندوستان کی جانب سے سب سے زیادہ وکٹ لینے والے بولر اسپنر یزویندر چہل ہیں جنہوں نے۹۶؍ وکٹ لئے ہیں تاہم وہ طویل عرصے سے ٹیم سے باہر ہیں۔ 

ہاردک کی آل راؤنڈ کارکردگی، ہندوستان کی  ۷؍ وکٹ سے فتح 
ارشدیپ سنگھ، ورون چکرورتی (۳؍ وکٹ) اور ہاردک پانڈیا (ایک وکٹ اور ناٹ آؤٹ ۳۹؍رن) کی آل راؤنڈ کارکردگی کی بدولت ہندوستان نے پہلے ٹی ۲۰؍ میں بنگلہ دیش کو ۴۹؍ گیندیں باقی رہ کر ۷؍ وکٹ سے شکست دے دی۔  اس کے ساتھ ہی ہندوستان نے ۳؍ میچوں کی سیریز میں۰۔۱؍ کی برتری حاصل کر لی ہے۔ سریمنت مادھو راؤ سندھیا کرکٹ اسٹیڈیم میں   ۱۲۸؍رن کے ہدف کا تعاقب کرتے ہوئے ہندوستان نے۱۱ء۵؍ اوور میں ۳؍ وکٹ پر۱۳۲؍ رن  بنا کر ۷؍ وکٹ سے میچ جیت لیا۔ ہندوستان کا پہلا وکٹ دوسرے اوور میں ابھیشیک شرما (۱۶؍رن) کے طور پر گرا۔ وہ رن آؤٹ ہوئے۔ اس کے بعد بلے بازی کیلئے  آنے والے کپتان سوریہ کمار یادو نے طوفانی انداز میں بیٹنگ کی اور۱۴؍ گیندوں پر۲؍ چوکے اور ۳؍ چھکے لگا کر۲۹؍رن بنائے۔ انہیں مستفیض الرحمان نے آؤٹ کیا۔ وہیں سنجو سیمسن نے ۱۹؍ گیندوں پر ۶؍ چوکے لگا کر۲۹؍ رن بنائے۔