ہندوستانی کرکٹ کے مشہورکھلاڑی اجے جڈیجا جن کا تعلق جام نگرکےشاہی گھرانے سے ہے انہیں جام نگر کے شاہی تخت کا جانشین مقرر کیا گیا ہے۔

سابق کرکٹر جڈیجا کا تعلق مشہور کرکٹررنجیت سنگھ کے سلسلہ نسب سے ہے جنہوں نے ۱۹۰۷ء سے ۱۹۳۳ء تک حکمرانی کی۔ سنیچر کو دسہرا کے موقع پرگجرات کے جام نگر کے مہاراجا نے اپنے بھتیجے اجے جڈیجا کو تخت کاجانشین نامزد کرنے کا اعلان کیا۔۵۳؍ سالہ جڈیجا نے ۱۹۶؍ یکروزہ اور ۱۵؍ ٹیسٹ میچ کھیلے ہیں، جام نگر کی شاہی گھرانے سے تعلق رکھتے ہیں۔ جام نگر کے مہاراجہ شتروسالیاسنگھ جڈیجہ، کرکٹر کے والد دولت سنگھ جی جڈ یجا کے چچیرے بھائی ہیں، جو ۱۹۷۱ء سے ۱۹۸۴؍ تک جام نگر سے تین بار رکن اسمبلی رہ چکے ہیں، اپنے بیان میں کہا کہ ’’ میں دسہرا کے موقع پر بہت خوش ہوں مجھے اجے جدیجا کی صورت میں میری مشکل کا حل مل گیا ہے، ان کا تقرر جام نگر کی عوام کیلئے کافی سود مندہوگا، میں ان کا شکر گزار ہوں کہ انہوں نے یہ جانشینی قبول کی۔‘‘واضح رہے کہ مہاراجا شترولیا سنگھ بھی کرکٹر تھے ، انہوں نے ۱۹۶۶ء-۶۷ء میں رنجی ٹرافی میں سوراشٹر کی کپتانی کی تھی، اور سوراشٹر کرکٹ اسو سی ایشن کے سربراہ رہ چکے ہیں۔