فیفا ورلڈ کپ میں پرتگال کی ٹیم فاتحانہ آغاز کرنے کی متمنی ۔ مانچسٹر یونائٹیڈکلب کو چھوڑنے والے رونالڈو اپنے ۵؍ویں ورلڈ کپ میں بہترکھیلنا چاہیں گے

تمام نظریں اسٹار فٹبالر کرسٹیانو رونالڈو پر ہوں گیجب وہ  اپنے ۵؍ویں اور ممکنہ طور پر آخری ورلڈ کپ میں جمعرات کو میدان پر اتریں گے۔ پرتگال جمعرات کو یہاں گھانا سے مقابلہ کرے گا۔ خیال رہےکہ مانچسٹر یونائٹیڈ کی جانب سے اپنا معاہدہ ختم کرنے کے بعد۳۷؍  سالہ کھلاڑی منگل سے کلب کے بغیر ہیں۔ کرسٹیانو رونالڈو نے یونائٹیڈ کے کوچ ایرک ٹین ہاگ، کلب کے مالک اور ساتھی کھلاڑیوں پر تنقید کی تھی۔ رونالڈو اس وقت کلب کی سطح پر ٹیم کے بغیر ہیں اور ورلڈ کپ میں ان کی کارکردگی اس بات کا فیصلہ کرنے میں اہم کردار ادا کرے گی کہ لیجنڈ مستقبل میں کس ٹیم میں شامل ہوسکتے ہیں۔ ۵؍ بار سال کے بہترین کھلاڑی کا اعزاز پانے والے رونالڈو شاید اس وقت فارم میں نہیں  ہیں لیکن جب وہ اپنے رنگ میں ہوں تو پھر کوئی ٹیم ان کے سامنے ٹھہر نہیں سکتی۔ رونالڈو نے باہمی رضامندی سے یونائٹیڈ سے علیحدگی سے قبل کہا تھا کہ پرتگال کی ورلڈ کپ مہم کے دوران ان کے کلب کے مسائل ان پر اثر انداز نہیں ہوں گے۔ رونالڈو نے ابھی تک ورلڈ کپ نہیں جیتا ہے اور پہلی بار ٹرافی جیتنا اس ورلڈ کپ میں ان کا محرک ہوگا۔ اس کے علاوہ ایک نئے کلب کو اپنی طرف متوجہ کرنا ان کے لئے ایک بونس ہوگا۔ پرتگال پہلے ہی میچ میں گھانا کا سامنا کرے گا جو ورلڈ کپ میں شرکت کرنے والی سب سے کم درجہ کی ٹیم ہے لیکن اسے ڈارک ہارس سمجھا جاتا ہے۔ گھانا کی عالمی درجہ بندی۶۱؍ ہے۔ اس گروپ ایچ  میں یوروگوئے اور جنوبی کوریا جیسی مضبوط ٹیمیں بھی اپ سیٹ کرنے کی صلاحیت رکھتی ہیں۔ اس کے علاوہ، سعودی عرب نے لیونل میسی کی زیرقیادت ارجنٹائنا کو شکست دی تاکہ کمزور ٹیموں کو پیغام دیا جائے کہ ورلڈ کپ میں کچھ بھی ناممکن نہیں ہے اور وہ اپنے دن میزیں بدل سکتی ہیں۔ گھانا کے پاس تھامس پارٹی اور محمد قدوس جیسے کھلاڑی ہیں جنہوں نے یورپی کلبوں کے لئے اچھی کارکردگی کا مظاہرہ کیا ہے۔ پرتگال کو ان کھلاڑیوں سے محتاط رہنا ہو گا کیونکہ موجودہ ورلڈ کپ میں سعودی عرب نے ارجنٹائنا کو شکست دے دی ہے۔