انیتا شیورن ہندوستان کی ایک خاتون پہلوان ہیں جنہوں نے۲۰۱۰ءکے کامن ویلتھ گیمزمیں گولڈ میڈل کے ساتھ ایشین ریسلنگ چمپئن شپ اور کامن ویلتھ ریسلنگ چمپئن شپ میں بھی کئی تمغے جیتے ہیں۔

انیتا شیورن ہندوستان کی ایک خاتون پہلوان ہیں جنہوں نے۲۰۱۰ءکے کامن ویلتھ گیمزمیں گولڈ میڈل کے ساتھ ایشین ریسلنگ چمپئن شپ اور کامن ویلتھ ریسلنگ چمپئن شپ میں بھی کئی تمغے جیتے ہیں۔ انیتا شیورن ہریانہ کےبھیوانی ضلع میں واقع دھنی مہو گاؤں میں دلیپ سنگھ شیورن اور سنتوش دیوی کے ہاں پیدا ہوئیں۔ ان کی پیدائش ۲۴؍نومبر ۱۹۸۴ءکوہوئی تھی۔ انہوں نےہریانہ پولیس میں انسپکٹر کے طور پر بھی کام کیا ہے۔ 
۲۰۰۵ءکامن ویلتھ ریسلنگ چیمپئن شپ میں ۶۷؍کلوگرام فری اسٹائل زمرے میں مقابلہ کرتےہوئےشیرون نے کانسہ کا تمغہ جیتا تھا۔ ۲۰۰۸ءکی ایشین ریسلنگ چمپئن شپ میں، شیرون نے۵۹؍کلوگرام فری اسٹائل ایونٹ میں بھی کانسہ کا تمغہ جیتاتھا۔ بعد میں انہوں نے ورلڈ ریسلنگ چمپئن شپ میں حصہ لیا، جہاں وہ پہلے راؤنڈ میں کانسہ کا تمغہ جیتنےوالی اگتا پیٹرزیک سےشکست کھاگئیں۔ شیورن نے۲۰۰۹ءکی قومی کشتی چمپئن شپ میں، ۵۹؍کلوگرام کے زمرے میں ۲۰۰۸ءکی قومی چمپئن شپ کےچاندی کا تمغہ جیتنے والے، ۶۳؍کلوگرام فری اسٹائل ایونٹ میں حصہ لیا۔ ان کا زیادہ وزن کے زمرےمیں جانے کا فیصلہ نتیجہ خیز ثابت ہوا کیونکہ انہوں نےفائنل میں دفاعی قومی چمپئن گیتیکا جاکھڑ کو شکست دےکر خواتین کے ۶۳؍کلوگرام فری اسٹائل ایونٹ میں حصہ لیا اور نئی چمپئن بن گئیں۔ سال کے آخرمیں، انہوں نے کامن ویلتھ ریسلنگ چمپئن شپ میں حصہ لیا، جہاں شیورن نے عالمی چمپئن شپ میڈلسٹ کینیڈا کےجسٹن بوچارڈ سے ہارنے کے بعد چاندی کا تمغہ حاصل کیا۔ ۲۰۱۰ءکےکامن ویلتھ گیمز کے پہلے راؤنڈ میں بائی اورا سکاٹ لینڈ کے ایشلے میک مینس کے خلاف آرام سے جیتنےکےبعد، فائنل میں شیرون کا مقابلہ کینیڈا کی میگن بائیڈنز سے تھا، جنہوں نے پہلے راؤنڈ میں نائیجیریا کی ورلڈ چیمپئن شپ کی تمغہ جیتنے والی ایفیوما لیانچو کو شکست دی۔ شیورن نے ۶۷؍ کلوگرام فری اسٹائل کیٹیگری میں طلائی تمغہ جیتنے کے لیےکینیڈینز کے خلاف جیت درج کی۔ 
۲۰۱۱ءمیں رانچی میں منعقدہ ہندوستان کے ۳۴؍ویں نیشنل گیمز میں ہریانہ کی نمائندگی کرتے ہوئےشیورن نےخواتین کے ۶۳؍کلوگرام فری اسٹائل مقابلےکےفائنل میں منی پور کی این ٹومبی دیوی کو شکست دے کر طلائی تمغہ جیتا۔ بعد میں ۲۰۱۱ءمیں، ملبورن میں کامن ویلتھ ریسلنگ چمپئن شپ میں مقابلہ کرتے ہوئے، شیورن کو فائنل میں کناڈاکی ڈوری یٹس کے خلاف شکست کے بعد چاندی کے تمغے سے اکتفا کرنا پڑا۔ ۲۰۱۶ءکی ایشین ریسلنگ چمپئن شپ میں، سیمی فائنل میں شمالی کوریا کے جونگ سم رم سے ہارنےکے بعد، شیوران نے ریپیچج راؤنڈ میں ازبکستان کے نیلوفرگادیوا کو شکست دے کر کانسہ کا تمغہ جیتا۔ ان کے کریئر پر ایک نظر ڈالی جائے تو ہم پاتے ہیں کہ۲۰۰۵ءکامن ویلتھ گیمز میں کانسہ کا تمغہ جیتا۔ افریقہ کے سنچری کپ میں چاندی کا تمغہ، ۲۰۰۸ء میں جنوبی کوریا ایشین سینئرریسلنگ چمپئن شپ میں کانسہ کا تمغہ، ۲۰۰۹ءمیں جالندھر کامن ویلتھ سینئرویمن میں چاندی کا تمغہ، ۲۰۱۰ءمیں دہلی کامن ویلتھ میں سونے کا تمغہ اور کئی قومی سطح کے چمپئن شپ مقابلوں میں ۸؍گولڈ میڈل اپنے نام کیے۔