اسٹیو اسمتھ نے۱۰؍ہزار ٹیسٹ رن مکمل کر لئے۔ سری لنکا کے خلاف۲؍ ٹیسٹ میچوں کی سیریز کا پہلا میچ گالے انٹرنیشنل اسٹیڈیم میں کھیلا جا رہا ہے۔ اس میچ میں اسٹیو اسمتھ نے ہندوستان کے مایہ ناز کھلاڑی سچن تینڈولکر کا بڑا ریکارڈ توڑ کر تاریخ رقم کی۔

اسٹیو اسمتھ نے۱۰؍ہزار ٹیسٹ رن مکمل کر لئے۔ سری لنکا کے خلاف۲؍ ٹیسٹ میچوں کی سیریز کا پہلا میچ گالے انٹرنیشنل اسٹیڈیم میں کھیلا جا رہا ہے۔ اس میچ میں اسٹیو اسمتھ نے ہندوستان کے مایہ ناز کھلاڑی سچن تینڈولکر کا بڑا ریکارڈ توڑ کر تاریخ رقم کی۔ 
بارڈر-گاوسکر ٹرافی میں ہندوستان کو۱۔ ۳؍ سے شکست دینے کے بعد آسٹریلیائی ٹیم ورلڈ ٹیسٹ چمپئن شپ(ڈبلیو ٹی سی) کے تحت سری لنکا کے دورے پر دو ٹیسٹ میچوں کی سیریز کھیل رہی ہے۔ اس سیریز کا پہلا میچ بدھ کو گالے انٹرنیشنل اسٹیڈیم میں کھیلا جا رہا ہے۔ اس میچ میں اسٹیو اسمتھ نے ایک رن بناتے ہی ہندوستان کے مایہ ناز کرکٹر سچن تینڈولکر کا بڑا ریکارڈ توڑ دیا۔ اسمتھ نے ٹیسٹ کرکٹ میں تیز ترین ۱۰؍ ہزار رن بنانے کے معاملے میں تینڈولکر کو پیچھے چھوڑ دیا ہے۔ آپ کو بتاتے چلیں کہ سڈنی میں آخری بارڈر گاوسکر ٹرافی ٹیسٹ میں اسٹیو اسمتھ ۹۹۹۹؍ رن تک ہی پہنچ پائے تھے۔ 
اسٹیو اسمتھ نے گالے میں ایک رن بناتے ہی ٹیسٹ کرکٹ میں ایک نیا باب لکھا ہے۔ اب اسٹیو اسمتھ نے ٹیسٹ کرکٹ میں ۱۰؍ ہزار رن مکمل کر لئے۔ انہیں سڈنی میں ہندوستان کے خلاف بھی یہ موقع ملا تھا لیکن وہ گھریلو شائقین کے سامنے یہ کارنامہ انجام دینے سے محروم رہے۔ اب وہ۱۰؍ ہزار ٹیسٹ رن کے کلب میں شامل ہو گئے ہیں۔ وہ یہ کارنامہ انجام دینے والے دنیا کے۱۵؍ویں اور آسٹریلیا کے چوتھے بلے باز بن گئے ہیں۔ اس سے قبل صرف ایلن بارڈر، اسٹیو وا اور رکی پونٹنگ نے آسٹریلیا کے لیے ٹیسٹ کرکٹ میں ۱۰؍ ہزار رن کا ہندسہ چھو لیا تھا۔ اسٹیو اسمتھ نے تیز ترین۱۰؍ رن مکمل کرنے کے معاملے میں ہندوستان کے بلے باز سچنتینڈولکر کو بھی پیچھے چھوڑ دیا ہے۔ اس کے ساتھ ہی انہوں نے سابق سری لنکن کھلاڑی کمار سنگاکارا کا ریکارڈ برابر کر دیا ہے۔ یہی نہیں اسمتھ مشترکہ طور پر تیز ترین ۱۰؍ ہزار ٹیسٹ رن بنانے والے دنیا کے دوسرے بلے باز بن گئے ہیں۔ ان سے آگے صرف ویسٹ انڈیز کے عظیم بلے باز برائن لارا ہیں۔