بنگال واریئرس نے مائٹی منیندر اور فضل اتراچلی کی بدولت پرو کبڈی لیگ کے ۱۱؍ ویں سیزن کے۳۱؍ ویں میچ میں کامیابی حاصل کی

بنگال واریئرس نے  مائٹی منیندر اور فضل اتراچلی کی  بدولت پرو کبڈی لیگ (پی کے ایل) کے ۱۱؍ ویں سیزن کے۳۱؍ ویں میچ میں اتوار کو ہریانہ اسٹیلرز کو ۳۸۔۴۰؍ سے شکست دی۔ جی ایم سی بی انڈور اسٹیڈیم میں کھیلے جانے والے میچ میں جیت کے بعد بنگال اب پوائنٹس ٹیبل پر چوتھے نمبر پر پہنچ گیا ہے۔ سیزن۸؍ کے بعد بنگال کی ہریانہ کے خلاف یہ پہلی جیت ہے۔بنگال واریئرس کی ۵؍ میچوں میں یہ دوسری جیت ہے اور ٹیم کے اب۱۷؍ پوائنٹس ہیں۔ اس کے ساتھ ہی ہریانہ کو لگاتار ۳؍ جیت کے بعد پہلی اور اس سیزن کی دوسری شکست ملی ہے۔
بنگال کی جانب سے  منیندر سنگھ نے سپر۱۰؍ اسکور کرتے ہوئے۱۲؍ پوائنٹس بنائے جبکہ کپتان فضل اتراچلی نے ۴؍ پوائنٹس اسکور کئے۔ ونے نے ہریانہ کیلئے  سپر۱۰؍ جبکہ محمد رضا شادلو نے ۹؍ پوائنٹس بنائے۔ ہریانہ اسٹیلرس اپنی مسلسل چوتھی جیت کی تلاش میں کھیل کے پہلے ۵؍ منٹ میں خود کو ایک پوائنٹ سے آگے رکھا۔ اس کے کچھ ہی دیر بعد شیوم پٹارے نے سپر دھاوا کیا اور اسٹیلرس کو۳۔۹؍ کی برتری دلادی۔ ہریانہ نے اپنی برتری کو برقرار رکھتے ہوئے کھیل کے پہلے۱۰؍ منٹ میں ۵؍ پوائنٹ کی برتری حاصل کی اور اسکور کو۷۔۱۲؍تک پہنچا دیا۔
مائٹی منیندر سنگھ اب بھی میٹ پر موجود تھے اور انہوں نے لگاتار پوائنٹس اسکور کرکے بنگال واریئرس کیلئے  واپسی کی۔ اس کے بعد۱۴؍ویں منٹ میں بنگال نے اسکور کو۱۳۔۱۳؍سے برابر کردیا۔ واریئرس اب میچ میں برتری پر تھے۔ اگلے ہی منٹ میں بنگال نے ہریانہ کو آل آؤٹ کرکے اسکور کو ۱۵۔۱۸؍ سے اپنے حق میں کر دیا لیکن بنگال کی قسمت بھی اس وقت ختم ہوگئی جب ہریانہ نے شیوم پٹارے اور ونے کے لگاتار پوائنٹس کی بدولت اسکور  ۱۸۔۱۸؍کے برابر کردیا۔ اس کے بعد دونوں ٹیموں نے ایک ایک پوائنٹ حاصل کیا اور پہلے ہاف کے اختتام تک اسکور ۱۹۔۱۹؍ سے برابر رکھا۔ یہاں سے، منیندر نے اس سیزن کا اپنا پہلا سپر۱۰؍ اور اپنے پی کے ایل کریئر کا۷۳؍ واں سپر۱۰؍ لگاتار پوائنٹس اسکور کرکے مکمل کیا اور اسکور۲۳۔۲۹؍ کردیا۔ اس کے بعد شادلو نے سپر ٹیکل بنا کر ہریانہ کو میچ میں  برقراررکھا تاہم ٹیم۳۷؍ویں منٹ میں خود کو آل آؤٹ ہونے سے نہ بچا سکی۔ اس کے ساتھ بنگال نے۵؍ پوائنٹس کی برتری قائم کی اور اسکور کو ۳۳۔۳۸؍ تک کم کردیا۔ لیکن اگلی چھاپے میں ونے سے نمٹا گیا اور بنگال واریئرس نے یہ میچ۳۸۔۴۰؍ سے جیت لیا۔