بورڈ آف کنٹرول فار کرکٹ ان انڈیا (بی سی سی آئی) نے آئی سی سی خواتین کے ٹی ۲۰؍ ورلڈ کپ کا خطاب جیتنے پر ہندوستانی انڈر۱۹؍ خواتین کی ٹیم کو۵؍ کروڑ روپے کے نقد انعام کا اعلان کیا ہے۔  

بورڈ آف کنٹرول فار کرکٹ ان انڈیا (بی سی سی آئی) نے آئی سی سی خواتین کے ٹی ۲۰؍ ورلڈ کپ کا خطاب جیتنے پر ہندوستانی انڈر۱۹؍ خواتین کی ٹیم کو۵؍ کروڑ روپے کے نقد انعام کا اعلان کیا ہے۔  بی سی سی آئی نے ٹورنامنٹ میں ہندوستانی ٹیم کی غیرمعمولی کارکردگی پر ایوارڈ کا اعلان کیا ہے۔ اسی کے ساتھ ٹیم کی رہنمانوشین القدیر کے ساتھ ساتھ ان کے معاون عملے کی بھی تعریف کی۔بی سی سی آئی کے صدر راجر بنّی نے کہاکہ ’’انڈر ۱۹؍ ویمنز ورلڈ کپ برقرار رکھنے کے لئے ہماری لڑکیوں کو مبارکباد۔ ان کی ناقابل شکست مہم ہندوستان میں خواتین کی کرکٹ کی ترقی کی عکاسی کرتی ہے۔ یہ ٹرافی ہم سب کے لیے ایک قابل فخر لمحہ ہے اور میں ہر ممبر کو چمکتا دیکھ کر خوش ہوں۔اس موقع پر بی سی سی آئی کے اعزازی سکریٹری دیوجیت سائکیا نے کہا کہ ’’یہ جیت ان کی لگن، ثابت قدمی اور مہارت کی عکاسی کرتی ہے۔  یہ ہندوستان کے زمینی سطح کے کرکٹ کی طاقت اور ملک میں خواتین کرکٹ کے روشن مستقبل کو اجاگر کرتا ہے۔‘‘ بی سی سی آئی کے نائب صدر راجیو شکلا نے کہا  ’’مسلسل ورلڈ کپ جیتنا ان کے نظم و ضبط اور ثابت قدمی کا ثبوت ہے۔ یہ جیت ہندوستان میں نوجوان لڑکیوں کی اگلی نسل کو بڑے خواب دیکھنے کی ترغیب دے گی۔‘‘