فارمولا ون میں جنرل موٹرز کے لگژری برانڈ کیڈی لاک کی انٹری۔ ۲۰۲۶ء میں بطور ۱۱؍ ویں ٹیم شامل۔

بین الاقوامی آٹوموبائل فیڈریشن (ایف آئی اے) نے گزشتہ دن اعلان کیا کہ کیڈی لاک کو ۲۰۲۶ء میں فارمولا ون ورلڈ چیمپئن شپ میں ۱۱؍ ٹیم کے طور پر شامل ہونے کی منظوری دی گئی ہے۔ فارمولا ون کے صدر اور سی ای او سٹیفانو ڈومینیکلی نے کہا کہ ’’ہم نے نومبر میں کہا تھا کہ جنرل موٹرز کا فارمولا ون میں کیڈی لاک ٹیم لانے کا عزم ہمارے کھیل کے ارتقا کا ایک اہم اور مثبت مظاہرہ تھا۔‘‘

Welcome Cadillac to the pinnacle of motorsports.#F1

pic.twitter.com/2BQrNVRHNn

— PeaCup: The Token of Champions! (@PeaCup2024) March 7, 2025

ایف آئی اے کے صدر محمد بن سلیم نے کہا کہ ’’کیڈی لاک کی ایف ون ٹیم میں موجودگی مستقبل کے حریفوں اور شائقین کو متاثر کرے گی۔‘‘ خیال رہے کہ کیڈی لاک امریکی آٹوموبائل مینوفیکچرر جنرل موٹرز کا ایک برانڈ ہے جو لگژری گاڑیاں ڈیزائن اور تیار کرتا ہے۔ اس برانڈ نے پہلے این اے ایس سی اے آر گرینڈ نیشنل سیریز اور ایف آئی اے ورلڈ اینڈورینس چیمپئن شپ سمیت مختلف موٹراسپورٹس میں شمولیت اختیار کی تھی۔